The Color Purple (cinta de 1985)

Iste articlo ye sobre una cinta de cine de drama de cine estausunidense enguerada l'anyo 1985; ta atros usos, se veiga The Color Purple y The Color Purple (cinta).

The Color Purple
Títol	The Color Purple
Póster d'a cinta, obra de John Alvin.
Ficha tecnica
Dirección	Steven Spielberg
Dirección artistica	Bo Welch
Producción	Kathleen Kennedy Frank Marshall Steven Spielberg Quincy Jones
Disenyo de producción	J. Michael Riva
Guión adaptau	Menno Meyjes
Basau en	The Color Purple, novela d'Alice Walker (1982)
Musica	Quincy Jones
Fotografía	Allen Daviau
Montache	Michael Kahn
Escenografía	Linda DeScenna
Vestuario	Aggie Guerard Rodgers
Maquillache	Richard Alonzo William Butler Ken Chase Steve LaPorte Michael Laudati
Peluquería	Lola Kemp Leila Khan Robert L. Stevenson
Casting	Reuben Cannon
Actors	Whoopi Goldberg Desreta Jackson Danny Glover Adolph Caesar Margaret Avery Rae Dawn Chong Oprah Winfrey Akosua Busia Willard Pugh Howard Starr Dana Ivey Larry Fishburne Carl Anderson John Patton Jr. Bennet Guillory James Tillis Leonard Jackson
Color	Color by DeLuxe Panavision
Datos y cifras
País(es)	Estaus Unius
Anyo	1985
Debantadera	16 d'aviento de 1985 Nueva York (Nueva York, Estaus Unius)^[1]
Chenero(s)	Cine de drama
Durada	153 min.
Idioma(s)	Anglés
Companyías
Productora(s)	Amblin Entertainment The Guber-Peters Company
Distribución	Warner Bros.
Estudio(s)	Universal Studios
Presupuesto	15 millons de dólars
Recauto	98,4 millons de dólars
Informacions en bases de datos especializadas:

The Color Purple (títol orichinal en anglés, en aragonés A color porpra, enguerada en Aragón con o suyo títol traduciu enta lo castellano como El color púrpura) ye una cinta de cine estausunidense de cine de drama enguerada l'anyo 1985, dirichida por Steven Spielberg seguntes un guión adaptau por Menno Meyjes (basau en a novela The Color Purple que heba publicau Alice Walker l'anyo 1982), con una dirección de fotografía d'Allen Daviau, una banda sonora orichinal de Quincy Jones y una producción cinematografica de Kathleen Kennedy, Frank Marshall, Steven Spielberg y Quincy Jones ta las productoras Amblin Entertainment y The Guber-Peters Company. Conta con un elenco d'ators d'o cual en fan parte, en os suyos papels principals, Whoopi Goldberg, Desreta Jackson, Danny Glover, Adolph Caesar, Margaret Avery, Rae Dawn Chong, Oprah Winfrey, Akosua Busia, Willard Pugh, Howard Starr, Dana Ivey, Larry Fishburne, Carl Anderson, John Patton Jr., Bennet Guillory, James Tillis y Leonard Jackson.

A cinta conta la historia de Celie Harris, una adolescent afroamericana que vive en Hartwell (Cheorchia) en primerías d'o sieglo XX y a qui su pai viola terne que terne, fendo-li dos fillos, que li quita nomás que naixen ta dar-los a bella atra familia. A sola companyía de Celie ye su chirmana chicota Nettie, con qui chuga y con qui aprende. Bel día, Albert "Mister" Johnson demana a su pai casar-se con Nettie, encara que lo suyo obchectivo ye nomás que cudie d'a suya casa y de sus fillos, en estar él viduo, pero lo pai de Celie y Nettie no accepta, a causa d'o suyo intrés sexual en a mesacha, y por contra li ufre que se case con Celia, cosa que finalment s'escayece. Bien luego, Nettie escapa de casa, cansada d'evitar los ataques sexuals de su pai, y se refuchia en casa de su chirmana, pero tamién "Mister" quiere violar a Nettie y, en resistir-se, la fa fuera de casa. En marchar, Nettie li promete a su chirmana que siempre li escribirá, dica que muera. Anyos dimpués, en 1916, Celia ye una muller completament sumisa a los deseyos d'o suyo mariu. Harpo, lo fillo de "Mister", se casa con Sofia, una mulle fuerte y dominant, y Celia aconsella a Harpo que li pegue ta dominar-la, pero Sofia se torna y lo truquetia a él. Tiempo dimpués, cansada d'o comportamiento de Harpo, Sofia marcha de casa, levando-se a sus fillos. "Mister" y Harpo trayen a casa a Shug Avery, una cantaire de blues de qui "Mister" ye enamorau de siempre, y que ye malauta, y Celie la cudia dica que se recupera, acceptando que l'amant d'o suyo mariu viva en a suya casa. Poquet a poquet as dos mullers se fan amigas y cuan Shug decide marchar a vivir a Memphis, li proposa a Celie que marche con ella, pero "Mister" priva que lo faga. La Sra. Millie, la muller de l'alcalde, li proposa paternalment a Sofia que treballe ta ella como criada, pero en negar-se esfugada, l'alcalde la chifletia y ella se torna, y coo consecuencia la zarran en a garchola 8 anyadas. Cuan finalment marcha, lo chuez li lordena que treballe como criada ta la muller de l'alcalde, cosa que accepta en haber padeixiu muit en a suya estacha en a garchola, y no puet ni veyer a sus fillos. D'atra man, Shug torna de visita en a ciudat, habendo-se casau con Grady, y cuan iste se zafuma con "Mister", Shug troba en o bozón una carta de Nettie adrezada a Celie, y ista descubre que dende fa anyos su chirmana li escribe de contino, pero "Mister" li amaga las cartas, trobando bien luego lo puesto a on las amaga. En leyer-las, descubre que su chirmana vive como misionera en Africa con una familia de relichiosos que so qui adoptoron a los fillos de Celie y ista finalment li fa cara a "Mister", ta deleite de Shug y Sofia, y marcha de casa.