The Bounty (cinta de 1984)
- Iste articlo ye sobre una cinta de cine de drama epico historico britanica de 1984; ta atros usos, se veiga The Bounty y The Bounty (cinta).
.svg){kind=small}
The Bounty (títol orichinal en anglés, en aragonés A Bounty, enguerada en Aragón con o títol de Motín a bordo) ye una cinta de l'anyo 1984 de cine de drama epico historico d'aventuras coproducida por o cine britanico, lo cine estausunidense y lo cine neozelandés dirichida por Roger Donaldson seguntes un guión adaptau por Robert Bolt (basau en l'asayo Captain Bligh and Mr. Christian de Richard Hough), con una dirección de fotografía d'Arthur Ibbetson, una banda sonora orichinal de Vangelis, una Producción cinematografica de Bernard Williams y Dino De Laurentiis ta las productoras Dino De Laurentiis Corporation y Bounty Productions Ltd. y con un elenco formau por os actors Mel Gibson, Anthony Hopkins, Laurence Olivier, Edward Fox, Daniel Day-Lewis, Bernard Hill, Philip Davis, Liam Neeson, Wi Kuki Kaa, Tevaite Vernette, Philip Martin Brown, Simon Chandler, Malcolm Terris, John Sessions, Andrew Wilde, Neil Morrissey, Richard Graham, Dexter Fletcher, Pete Lee-Wilson, Jon Gadsby y Barry Dransfield.
A cinta conta con prou fidelidat o motín d'a Bounty, amostrando cómo la conducta d'o capitán William Bligh con os suyos subordinaus los leva a fer un motín contra lo suyo mando. A cinta prencipia con o chudicio en una cort marcial en Portsmouth contra Blight con posterioridat a los feitos y sigue las explicacions que fa lo capitán en o suyo chudicio en narrando los escaicimientos dende que lo suyo barco s'amanaba en Tahiti con l'obchectivo de cargar plantas de l'árbol d'o pan ta portiar-las enta las posesions de l'Imperio britanico en a mar Caribe. Encara que en primeras Blith confiaba en o suyo segundo a lo mando, Fletcher Christian, poquet a poquet a conducta d'o capitán enta Christian engreixó la relación entre éls dica que con a estada en Tahití l'enfrontinamiento s'enampló, plegando a que Christian dirichise lo motín bien luego de prencipiar o viache de tornada.
A cinta s'ambienta en 1787 y 1788 en l'oceano Pacifico, en Tahit (actualment en a Polinesia Francesa) y en Portsmouth en o Reino Uniu y las suyas escenas se filmoron en Tahiti y atras localizacions en a Polinesia Francesa y en localizacions en Nueva Zelanda, amás d'en Londres y bels puestos en o Gran Londres y Wiltshire en o Reino Uniu.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de The Bounty en Internet Movie Database.
- ↑ (en) Localizacions de The Bounty en Internet Movie Database.
- ↑ (en) The Bounty en Internet Movie Database.
Vinclos externos
editar- (en) The Bounty en Internet Movie Database.
- (en) The Bounty en AllMovie.
- (en) The Bounty en TCM Movie Database.
- (en) The Bounty en Rotten Tomatoes.
- (es) The Bounty en FilmAffinity.
- (fr) The Bounty en Allociné.
- (en) The Bounty en Box Office Mojo.
- (en) The Bounty en Netflix.
Datos: Q1211716
