The Black Knight (cinta)
- Iste articlo ye sobre una cinta anglo-estausunidense de cine d'aventuras de 1954; ta atros usos, se veiga The Black Knight.
.svg){kind=small}
The Black Knight (títol orichinal en anglés, en aragonés O caballero negro, enguerada en Aragón con o suyo títol traduciu enta lo castellano como El caballero negro) ye una cinta de cine d'aventuras de l'anyo 1954 coproducida por o cine britanico y lo cine estausunidense dirichida por Tay Garnett seguntes un guión orichinal d'Alec Coppel, Bryan Forbes y Dennis O'Keefe, con una banda sonora orichinal de John Addison, una dirección de fotografía de John Wilcox, una producción cinematografica d'Irving Allen y Albert R. Broccoli ta la productora cinematografica Warwick Films. Fan parte de l'elenco d'a cinta Alan Ladd, Patricia Medina, André Morell, Harry Andrews, Peter Cushing, Patrick Troughton, Anthony Bushell, Bill Brandon, Ronald Adam, Jean Lodge, Laurence Naismith, John Laurie, Basil Appleby, Pauline Jameson, Olwen Brookes, Elton Hayes y David Paltenghi, entre d'atros actors.
Mientres o reinau en Anglaterra d'o rei Arturo on os suyos caballers d'a tabla redonda, John ye un reputau ferrero fillo de ferrero y que, amás, poseye una gran habilidat en l'emplego d'a espada. Ye enamorau de lady Linet y iste li correspon, pero en no fer parte d'a nobleza mai no podrán casar-se, porque lady Linet ye la filla d'o conte Yeonil. Bien liego lo castiello d'o conte ye atacau por sarracions y soldaus d'o rei de Cornualla disfrazaus de vikingos. En l'ataque muere la muller d'o conte y mai de lady Linet y, como consecuencia, lo conte pierde la memoria. L'ataque feba parte d'un plan preparau por o rei de Cornuella, pagano, que tien como obchectivo derrocar a lo rei Arturo y convertir-se él mesmo en rei ta restaurar o paganismo y rematar con o cristianismo aliau con o sarraceno Palamedes, encara que toz dos aparentar estar leals amigos d'o rei Arturo. Tanimientres, John ha visto l'ataque y l'asasinato d'a condesa, cometius por Bernard, un sirvient de Palamides, pero lo rei Arturo no lo creye y lo condena a muerte en haber acusau falsament a un noble. Sindembargo, sir Ontzlake, un d'os caballers d'a tabla redonda s'apiada d'o choven y consigue un aplazmaiento d'a sentencia, que aproveita ta adiestrar a John en l'uso d'a espada y l'anima ta que emplegue una armadura negra y ía un caballero errant con a identidat amagada como lo Caballero negro. Con ixa identidat evita un ataque d'os falsos vikingos enta un monesterio cristiano y salva a lady Linet, a qui heban secuestrau y preteneban sacrificar en honors d'os dioses en Stonehenge. Dezaga d'él plegan os caballers d'a tabla redonda con o rei Artús, os cuals esboldregan o santuario pagano. Dende alavez, John, refirmau por sir Ontzlake, adedica toz os suyos esfuerzos a demostrar a culpablidat de Palamides y lo rei de Cornualla.
A cinta s'ambienta en bel momento indeterminau mientres a Edat Meya en Cornualla y Anglaterra y las suyas escenas se filmoron en o castiello de Castell Coch en Tongwynlais (Galas), en Ávila y Madrit (Espanya) y en Buckinghamshire en Anglaterra, amás d'en os Pinewood Studios en iste mesmo condau d'Anglaterra.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q3227123
