Texas Across the River
Texas Across the River (títol orichinal en anglés, en aragonés Texas a l'atro canto d'o río, enguerada en Aragón con o títol de Texas) ye una cinta de cine de western comico de cine estausunidense de l'anyo 1966 dirichida por Michael Gordon seguntes un guión orichinal de Wells Root, Harold Greene y Ben Starr, con una dirección de fotografía de Russell Metty, una producción cinematografica de Harry Keller ta la productora cinematografica Universal Pictures y un elenco d'o cual en fan parte, entre d'atros, os actors Dean Martin, Alain Delon, Rosemary Forsyth, Joey Bishop, Tina Aumont, Peter Graves, Michael Ansara, Linden Chiles, Andrew Prine, Stuart Anderson, Roy Barcroft, George Wallace, Don Beddoe, Kelly Thordsen, Nora Marlowe, John Harmon y Richard Farnsworth.
Andrea Baldaza, duque de Casala ye un noble espanyol que en 1845 en Nueva Orleans cortecha a Phoebe Ann Naylor y son bien amán d'a voda. Pero plega en a ciudat una unidat de Caballería de l'exercito estausunidense d'a cual fa parte Yancey Cottle y que manda lo primo d'iste, o capitán Rodney Stimpson. Yancey preteneba casar-se con Phoebe y accidentalment lo defenestra un d'os suyos companyers, o tenient Howard, que en cuentas de decir a verdat diz que l'ha asasinau Andrea. Asinas que Andrea se veye obligau a fuyir enta Texas, que encara no fa parte d'os Estaus Unius. Cuan fuye alcuerda con Phoebe que se trobarán en Texas. Mientres o viache, Andrea conoix a cuantas personas que comportarán cambios bien importants en os suyos plans, encara que Phoebe tamién marcha enta Texas.
Texas Across the River s'ambienta en Nueva Orleans y Texas en 1845 y las suyas escenas se filmoron en Lone Pine, San Diego y atras localidat de California, amás d'en os Universal Studios en Universal City, tamién en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q2788727
