Túnel de St. Pauli

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O túnel de St. Pauli u túnel viello de l'Elba (en alemán Alter Elbtunnel u St. Pauli Elbtunnel, iste zaguer ye o nombre oficial) ye un túnel piatonal y ta vehíclos situato en Hamburgo, Alemanya. Con os suyos 426 m de largaria o túnel, que s'inauguró en 1911, estió una revolución tecnica. A 24 m por debaixo d'a superficie, dos tubos de 6 m de diametro conectan o centro d'Hamburgo con os muelles y drasanas d'a marguin sud d'o río Elba. O túnel estió una gran millora ta as decenas de mils de treballadors d'un d'os puertos mas grans d'o mundo.

O viello túnel de l'Elba
Ascensor ta autos

Cuatre grans elevadors en cada salida d'o túnel permiten a os piatons, bicicletas y vehíclos a motor puyar y baixar. Encara se fan servir, ya que actualment y debito a la construcción d'atros túnels y puents, o trafico que i pasa cada día no ye prou gran.

En l'anyo 2008 estioron arredol de 300.000 autos, 63.000 bicicletas y 700.000 piatons los que facioron servir o túnel. O túnel ye ubierto 24 horas ta os piatons y as bicicletas. Ta os vehíclos a motor ye ubierto de lunes a viernes de 5:20 a 20:00 y os sabados de 5:20 a 4:00 PM.

See also editar

Fuents editar

  • (de) Made in Germany: Deutschlands Wirtschaftsgeschichte von der Industralisierung bis heute Band 1: 1800 - 1945. Lothar Groß. Books on demand. 2012 ISBN 978-3-8482-1042-8

Vinclos externos editar