Super Mario Bros.
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Super Mario Bros. (en chaponés スーパーマリオブラザーズ) ye un videochuego de plataformas, disenyau por Shigeru Miyamoto, lanzau o 13 de setiembre de 1985 y produciu por a companyía Nintendo, pa la consola NES. O chuego describe as aventuras d'os chirmans Mario y Luigi, que han de rescatar a la Princesa Peach en o Reino Sampinyón que estió secuestrada por o rei d'os Koopa, Bowser. A traviés de ueito mundos diferents, os chugadors pueden controlar a belún d'os dos chirmans y han d'enfrontinar-se finalment dimpués d'os livels correspondients de cada mundo a os mostros de cada castiello pa rescatar a la Princesa Peach.
Super Mario Bros. popularizó o chenero de videochuegos de plataforma, realizando-se cuantos chuegos basaus en ista premisa. Super Mario Bros. ha vendiu bellas 40 millons de copias a livel mundial (6,81 millons en Chapón, 29,52 millons en Estaus Unius y 3,91 en a resta d'a planeta). O libro d'os Record Guinness estima que, chunto a o Tetris y Pokémon (en todas as suyas versions), ye o chuego mas vendiu d'a historia.
Datos: Q11168
Multimedia: Super Mario Bros. / Q11168
