Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Solar Impulse

Solar Impulse 2 en 2014
Datos chenerals
Tipo Avión experimental
Fabricant Solar Impulse
Primer vuelo 3 d'aviento de 2009
Grandaria
Largaria 21.85 m
Envergadura 63.4 m
Superficie alas 200 m²
Peso 2 t
Especificacions
Motor cuatro motors electricos
Producción
Unidaz construyitas 2
Coste d'o programa 170 millons dólars

Solar Impulse ye un prochecto suizo d'avions experimentals de largo alcanz propulsaus ​​por enerchía solar, y tamién o nombre d'os dos avions operativos d'o prochecto. O prochecto, con financiamiento privau, ye endrezau por l'incheniero y empresario suizo André Borschberg y o psiquiatra y aeronautico suizo Bertrand Piccard, qui copilotó lo Breitling Orbiter 3, o primer globo en dar a tornada a o mundo sin escalas.

Os obchectivos d'o prochecto Solar Impulse yeran realizar a primera circumnavegación d'a Tierra en un avión pilotau d'ala fixa que utiliza solament enerchía solar y clamar o ficacio sobre as tecnolochías limpias. L'avión ye un monoplano d'un solament asiento alimentau por celulas fotovoltaicas; ye capaz de desapegar por os suyos propios meyos.

Prototipos editar

Solar Impulse 1 editar

O prototipo Solar Impulse 1 estió disenyau pa remanir en l'aire dica 36 horas. Realizó o suyo primer vuelo de preba en aviento de 2009. En chulio de 2010, realizó un ciclo solar diurno completo, incluidas cuasi nueu horas de vuelo nocturno, en un vuelo de 26 horas. Piccard y Borschberg completoron con exito vuelos con enerchía solar dende Suiza enta Espanya y dimpués a Marruecos en 2012, y realizoron un vuelo de cuantas etapas a traviés d'os Estaus Unius en 2013.[1]

Solar Impulse 2 editar

Un segundo avión, rematau en 2014, leva mas celulas solars y motors mas potents, entre atras milloras. O 9 de marzo de 2015, Piccard y Borschberg prencipioron a dar a tornada a lo mundo con Solar Impulse 2, partindo d'Abu Dhabi en os Emiratos Arabes Unitos. L'avión heba de tornar a Abu Dhabi en agosto de 2015 dimpués d'un viache de cuantas etapas arredol d'o mundo. En chunio de 2015, l'avión heba trascruzau Asia, y en chulio de 2015, completó o trango mas luengo d'o suyo viache, dende Chapón enta Hawaii. Entre ixe trango, as baterías d'a aeronau sufrioron mals termicos y tardoron meses en reemplazar-se. S'instaló un sistema de refricheración por batería y lo Solar Impulse 2 reprenió a circumnavegación en abril de 2016, cuan voló enta California. Continó por os Estaus Unius dica que plegó a la ciudat de Nueva York en chunio de 2016. Mas tardi ixe mes, l'aeronau crució l'Oceano Atlantico enta Espanya. S'aturó en Echipto antis de tornar a Abu Dhabi o 26 de chulio de 2016, mas de 16 meses dimpués d'a suya partida, completando a primera circumnavegación d'a Tierra d'aproximadament 42.000 kilometros d'un avión pilotau d'ala fixa utilizando solament enerchía solar.[2]

Referencias editar