Sidra
A sidra (d'o latín < sicera)[1] ye una bebida alcoholica de baixa gradación (entre 2 y 8º) feita con o suco fermentau d'a manzana. Se tracta d'una bebida muit espardida per tot lo mundo, asinas en Europa se troba en muitos estaus: Alemanya, Francia (Bretanya, Normandía y País Basco), Espanya (Asturias, Cantabria y País Basco), Italia (Piemont), Escocia y Anglaterra. En America tamién se fa en bellas rechions de diferents países, posiblement per l'influencia d'a inmigración espanyola d'o sieglo XX: per eixemplo en Mexico, en as ciudaz de Huejotzingo y Zacatlán, d'o estau de Puebla y en Archentina, sobretot en as provincias de Rio Negro, San Juan y Santa Fe.
![](http://upload.wikimedia.org/wikipedia/commons/thumb/4/41/Sidra_Natural_Pi%C3%B1era.jpeg/220px-Sidra_Natural_Pi%C3%B1era.jpeg)
Cal diferenciar a sidra natural d'a esbrumada. En cheneral, mientres en o norte d'Espanya se consume mayoritariament a sidra natural, en a resta d'o mundo se gosa consumir a sidra esbrumosa (que se pareix mes a lo cava u a la biera).
Referencias
editar- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.