Showtime (cinta)

Iste articlo ye sobre una cinta estausunidense de l'anyo 2002; ta atros usos, se veiga Showtime.

Showtime
Títol	Showtime
Póster teatralizau d'a cinta.
Ficha tecnica
Dirección	Tom Dey
Producción	Jorge Saralegui Jane Rosenthal
Guión adaptau	Keith Sharon Alfred Gough Miles Millar
Basau en	una historia de Jorge Saralegui
Musica	Alan Silvestri
Fotografía	Thomas Kloss
Montache	Billy Weber
Escenografía	Jeff Mann
Vestuario	Christopher Lawrence
Actors	Robert De Niro Eddie Murphy Rene Russo Frankie R. Faison William Shatner Mos Def Pedro Damián Nestor Serrano
Datos y cifras
País(es)	Estaus Unius
Anyo	2002
Debantadera	11 de marzo de 2002 Estaus Unius^[1]
Chenero(s)	Cine de comedia Cine d'acción Cine policiaco
Durada	95 min.
Idioma(s)	Anglés
Companyías
Productora(s)	Village Roadshow Pictures NPV Entertainment Material Pictures TriBeCa Productions
Distribución	Warner Bros. Pictures
Presupuesto	85 millons de dólars
Recauto	77,7 millons de dólars
Informacions en bases de datos especializadas:

Showtime (títol orichinal en anglés, enguerada con ixe mesmo títol en Aragón, en aragonés Hora d'o espectaclo) ye una cinta de cine estausunidense de comedia d'acción policiaca de buddy cop de l'anyo 2002 dirichida por Tom Dey seguntes un guión de Keith Sharon, Alfred Gough y Miles Millar basau en una historia de Jorge Saralegui, con una dirección de fotografía de Thomas Kloss y una Banda Sonora Orichinal d'Alan Silvestri. Producida por Jorge Saralegui y Jane Rosenthal ta las productoras Village Roadshow Pictures, NPV Entertainment, Material Pictures y TriBeCa Productions, l'elenco d'a cinta incluye a actors como Robert De Niro, Eddie Murphy, Rene Russo, Frankie R. Faison, William Shatner, Mos Def, Pedro Damián u Nestor Serrano; tamién participa la filla en a vida real de Robert de Niro, Drena De Niro (en ye su filla adoptiva).

Rodada y ambientada en o present d'a cinta en a ciudat de Los Angeles (California), s'engueró en Estaus Unius o 15 de marzo de 2002 y recibió esencialment criticas negativas, en destacando las criticas sobre la pobreza d'os aspectos humoristicos d'a cinta y las criticas enta la suya feble prebadura de fer una parodia s'o subchenero buddy cop aintro d'o cine policiaco. En a 26^ena edición d'os Premios Golden Raspberry en 2003 a cinta recibió dos nominacions: Pior Actor (Eddie Murphy) y Pior Parella (Eddie Murphy y Robert de Niro).

Argumento

Un veterano policía d'o Departamento de Policía de Los Angeles, o sarchento-detective Mitch Preston, nomás quiere que continan fendo lo suyo treballo como porta ya vinte anyadas fendo-lo. Taniminetres, o policía Trey Sellars no tiene garra atro intrés que lo de convertir-se en un destacau actor y nomás veye lo suyo treballo policial como bella cosa transitoria, encara que no tien tampoco aptituz ta lo treballo d'actor y terne que terne lo rebullen en cada cásting a on se presenta.

Bel día coinciden toz dos en un caso, a on Trey malogra un important caso policial a on Preston portaba tiempos treballando y que li hese permitiu d'engarcholar a una periglosa banda de delincuents. Preston, que ye de mal aire dimpués d'o suyo fracaso, remata disparando a una camara de televisión que ye filmando lo suyo enfrentamiento con o narcotraficant Lazy Boy, qui ha fuyiu dimpués de fer servir una pistola d'altas prestacions, una superpistola. Maxxis Television, la cadena local de noticias que teneba contractau a lo camara, decide demandar a lo departamento de policía por 10 millons de dólars, pero tamién lis proposa retirar ixa demanda chudicial si Preston accepta protagonizar una emisión real de casos policials ta la cadena. alavez, Trey li paga a un amigo ta que robe o bolso d'a productora d'o programa, Chase Renzi, ta quedar él como un heroi en recuperar-lo, pero remata fracasando y se conoix que todo yera un enganyufle. Tanimientres, Renzi amuestra intrés en considerar que Trey puede dar chuego en pantalla, porque de feito lo suyo intrés no ye pas d'amostrar casos reals, sino d'emitir bella cosa pareixida a un reality show.

Renzi fa cambios en a realidad de Preston ta que s'adecue millor en o suyo obchectivo: modifica de raso la suya casa y li cambia lo suyo sencillo auto por un Humvee, amás de suministrar a Trey un Chevrolet Corvette C5. Tamién contracta a l'actor William Shatner (qui heba interpretau a lo policía T. J. Hooker en a serie de televisión T. J. Hooker) ta que lis amuestre a Trey y Preston cómo han d'actuar ta lo programa. Trey s'amuestra deleroso por aprender, pero Preston ye emprenyau.

Preston decide investigar sobre ixa superpistola pero bien luego lo traficant d'armas Caesar Vargas fa servir ixa mesma arma ta asasinar a lo narcotraficant y la suya novia, empitau porque en haber feito servir l'arma en o suyo enfrentamiento con Preston ha cridau l'atención enta la existencia d'ixa arma. Tanimientres, Trey logra obtener con embustes d'un chicot delincuent o nombre d'o traficant d'armas Re-Run, qui yera lo segundo d'o narcotraficant asasinau y Preston y Tray marchan a detener-lo.

Elenco^[2]

Actor	Papel	Notas
Robert De Niro	Mitch Preston
Eddie Murphy	Trey Sellars
James Roday Rodriguez	Camara de "Showtime"
Joel Hurt Jones	Reportero
Chris Harrison	Reportero
Perri Peltz	Reportero
Amy Powell	Reportero
Debra Snell	Reportero
Chris Ufland	Reportero
Pedro Damián	Ceasar Vargas
Peter Jacobson	Brad Slocum
Ewan Chung	Contrincant en o ping-pong
Rene Russo	Chase Renzi
Drena De Niro	Annie, asistent de producción de Chase
Andrew Wilson	Policía en o vestuario
Larry Joe Campbell	Policía en o vestuario
Reggie Gaskins	Policía en o vestuario
Ken Hudson Campbell	Policía en o chimnasio
Johnnie L. Cochran Jr.	Johnnie Cochran, avogau de ReRun
Rick Cramer	Oficial de servicio
Frankie Faison	Tenient Winship
Linda Hart	Cambrera
Kadeem Hardison	Kyle
Joy Bryant	Lexi
Maurice Compte	Chill
Freez Luv	Freez
Merlin Santana	Hector
Jullian Dulce Vida	J.J.
Jeff Sanders	Big Boy
Robert Joseph	Quadrillero
William Shatner	William Shatner
Judah Friedlander	Julio
Angela Alvarado	Gina Reyes
John Cariani	Charlie Hertz
Kirk Ward	Policía en o garache
Reggie Jordan	Policía en o garache
Lucille M. Oliver	Muller gritaliando
Callie Childers	Mesacha d'a piscina
Tom Billett	O flambo Freddy
Henry Kingi	Conductor d'o cambión d'a vasura
Neil Mather	Uniformau
Joel Elliott	Treballador de bienestar animal
Grant Sawyer	Treballador de bienestar animal
Christopher Darga	Locutor d'a exhibición d'armas
Clement Blake	Patrocinador d'a exhibición d'armas
Lisa Renee Pitts	Muller policía
Teresa DePriest	Muller policía
John Polce	Oficial de policía
Dan Andreiu	Detective de policía	No acreditau
Pat Asanti	George	No acreditau
Jon A. Barnes	Detective en a oficina	No acreditau
Greg Bronson	Detective	No acreditau
Heather Charles	Modelo	No acreditada
Jackie Di Crystal	Bailarina de salsa	No acreditada
Richard A. Eisenstein	Client d'o club	No acreditau
Janis Jones	Oficial de policía	No acreditau
Sonya Khazaal	Bailarina de salsa	No acreditada
Pui Fan Lee	Mrs. Maggie Snow	No acreditau
Sunny Malick	Bailarina de salsa	No acreditada
Christie McNew	Patrón d'o "nightclub"	No acreditau
Chuck Murphy	Policía	No acreditau
Nils Oliveto	Cambrero	No acreditau
Mel Rodriguez	Conductor d'o vehiclo blindau	No acreditau
Luigi Francis Shorty Rossi	Martian	No acreditau
George Sharperson	Afrentapueblos	No acreditau
Erica Taylor	Patrón d'o "nightclub"	No acreditada
Ken Weiner	Asistent a la exhibición d'armas	No acreditau
Robert Zavala	Bailarín de salsa	No acreditau

Banda Sonora Orichinal

As cancions que s'escuitan en a cinta son, por orden d'aparición:

Numero	Títol	Cantaire
1	Caramel	Alias Projec
2	Why	Rude
3	Mr. Lover	Shaggy
4	My Bad	Rayvon
5	Lie Till I Die	Marsha Morrison
6	Man Ah Bad Man	T.O.K.
7	Money Jane	Baby Blue Soundcrew
8	Your Eyes	Rik Rok
9	Fly Away	Gordon Dukes
10	Swingin	Shaggy
11	Get the Cash	Howzing
12	Still the One	Prince Myda
13	Showtime	Shaggy

Premios

Premio	Calendata	Edición	Categoría	Premiau	Notas
Premios Golden Raspberry	2003	26^ena edición	Nominada a lo Golden Raspberry a lo Pior Actor	Eddie Murphy
Premios Golden Raspberry	2003	26^ena edición	Nominada a lo Golden Raspberry a la Pior Parella	Eddie Murphy y Robert de Niro

Critica

As criticas a la cinta son todas negativas, no salvando-se ni lo guión, ni la dirección d'a cinta ni la interpretación d'os actors. Nomás bella critica salva una mica l'actuación d'Eddie Murphy, encara que heba estau nominau a un Rapsberry a lo Pior Actor. En cheneral, consideran que ista ye la pior interpretación d'a carrera de Robert de Niro, que la dirección d'a cinta ye richida y mai no ye imachinativa y que lo mesmo guión ye aburriu y no aproveita las posibilidaz argumentals.

En Sensacine, Miguel Blanco li atorga una estrela (sobre cinco posibles) y comenta que:^[3]

O principal problema de Showtime ye que todas as razons por as cuals podría estar atractiva y s'han podiu veyer en atras cintas y siempre millor feitas (...) un d'os piors papels d'a suya carrera (de Robert de Niro) (...) molimento a la decadencia de dos actors que dan ta muito mas

Miguel Blanco

Antonio Méndez en AlohaCriticón afirma que:^[4]

Fracasa totalment por un inoperant guión, que no destaca en a construcción de situacions humoristicas ni en o desembolique de personaches y proposicions tematicas (...) li falta orichinalidat y inventiva (...) (ye un) estrafuello de tiempo y de talento

Antonio Méndez

Analiza Sergi Sánchez en Fotogramas:^[5]

Lo malo de Showtime ye que bien luego dixa d'estar consecuent con a suya frivolidat... y ... busca un pretexto serioso ta chustificar os suyos gags (cuan) la suya hstoria policial (...) ye inñutil y ortopedica (...) Os buenos momentos de Showtime (...) quedan eclipsaus por a desgana y la rutina

Sergi Sánchez

Se veiga tamién

Referencias

↑ (en) Enguero de Showtime en Internet Movie Database.
↑ (en) Showtime en Internet Movie Database.
↑ (es) Miguel Blanco: Showtime, en Sensacine.
↑ (es) Antonio Méndez: Showtime (2002) de Tom Dey, en AlohaCriticón.
↑ (es) Sergi Sánchez: Showtime, en Fotogramas, 29 de mayo de 2008.

Vinclos externos

(en) Showtime en Internet Movie Database.
(en) Showtime en Rotten Tomatoes.
(en) Showtime en Box Office Mojo.
(en) / (es) Showtime en FilmAffinity.
(en) Showtime en Metacritic.
(de) Showtime en Online-Filmdatenbank.
(en) Showtime en AllMovie.
(en) Showtime en l'American Film Institute Catalog de l' American Film Institute.

Datos: Q1091168

[1] (en) Enguero de Showtime en Internet Movie Database.

[2] (en) Showtime en Internet Movie Database.

[3] (es) Miguel Blanco: Showtime, en Sensacine.

[4] (es) Antonio Méndez: Showtime (2002) de Tom Dey, en AlohaCriticón.

[5] (es) Sergi Sánchez: Showtime, en Fotogramas, 29 de mayo de 2008.

[1]

[2]

[3]

[4]

[5]