Sexma de Rubiuelos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Sexma de Rubiuelos estió una sexma situada en la part oriental de la Comunidat de Teruel y que fue creyada a mitat de lo sieglo XIV con unas aldeyas desgalladas de la Sexma del Campo de Sarrión, en la cuenca hidrografica de Millars, sobre tot en la depresión de La Puebla de Valverde-Sarrión, pero sin continuidat cheografica.

Sexma de Rubiuelos
Sexma d'a Comunidat de Teruel
Entidat  • Estato  • País  • Comunidat	Sexma Corona d'Aragón Reino d'Aragón Comunidat de Teruel
Capital	Rubiuelos
Aldeyas	Fuents La Puebla de Valverde Lo Castellar Nogueruelas Rubiuelos
Situación en a Comunidat de Teruel

La Sexma de Rubiuelos ye documentada en textos medievals dende octubre de 1369, cuan debeba estar una creyación recient, pus se sabe que encara en 1333 Rubiuelos perteneixeba a la Sexma del Campo de Sarrión. La creyación de la sexma estió baixo lo reinau de Pero, sin poder-se saber la causa. Por estar la sexma de creyación mes recient y por haber-se conservau muitos cuadernos de plegas de lo suyo periodo d'existencia (beluns d'éls en aragonés), se tien conoixencia exacta de cuals aldeyas estioron d'esta sexma:

• Fuents
• La Puebla de Valverde
• Lo Castellar
• Nogueruelas
• Rubiuelos

Bibliografía

• (es) Antonio Ubieto Arteta: Historia de Aragón. Divisiones Administrativas, Anubar, 1983.
• (es) Antonio Gargallo Moya. Los orígenes de la Comunidad de Teruel. Instituto de Estudios Turolenses, 1984.

• Datos: Q20618091