Sega
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sega | |
|---|---|
 | |
| Datos chenerals | |
| Eslogan | ' |
| Establimiento | 3 de chunio de 1960 |
| Localización |  Tokio, Chapón
|
| Enfiladors | Haruki Satomi,CEO |
| Industria | Videochuegos |
| Productos | |
| Beneficios | |
| Emplegatos | 10.760 |
| Pachina web | |
| Pachina web | www.sega.com |
| {{{twitter}}} | |
| {{{facebook}}} | |
Sega ye una empresa chaponesa de videochuegos fundada en 1960 por os empresarios estausunidenses Martin Bromley y Richard Stewart.[1]
Historia
editarEn 1940 os empresarios estausunidenses Martin Bromley, Irving Bromberg y James Humpert fundoron Standard Games en Honolulu, Hawaii. O suyo obchectivo yera proporcionar maquinas recreativas a las bases militars mientres a Segunda Guerra Mundial. Dimpués d'a guerra os fundadors vendioron Standard Games en 1945 y en 1946 creyoron Service Games (u Sega), que recibió iste nombre por o suyo enfoque militar. Cuan o gubierno d'os Estaus Unius prohibió as maquinas recreativas en os suyos territorios en 1952, Bromley ninvió a os suyos emplegaus Richard Stewart y Ray LeMaire a Tokio pa constituir a empresa Service Games of Japan, que s'encargaría de subministrar maquinas recreativas a las bases estausunidenses en Chapón. A causa d'a mala reputación provocada por as investigacions sobre practicas comercials ilicitas por parte d'o gubierno d'Estaus Unius, Service Games of Japan se disolvió o 31 de mayo de 1960. O 3 de chunio Bromley establió dos empresas pa fer-se cargo d'as suyas actividaz comercials, Nihon Goraku Bussan y Nihon Kikai Seizō. As nuevas empresas adquirioron toz os activos de Service Games of Japan.
En o decenio de 1960 a empresa desembolicó os suyos primers chuegos electronicos, por eixemplo, Periscope. En 1969 Sega se vendió a lo consorzio estausunidense Gulf and Western Industries y en 1973 lanzó Pong-Tron, o suyo primer videochuego.
En primerías d'as anyadas de 1980, Sega prencipió a desembolicar videoconsolas, prencipiando con a SG-1000 y a Master System, pero habió d'enfrontinar-se a competidoras como que a NES de Nintendo.
Sega lanzó o suyo siguient videoconsola, a Mega Drive (conoixida como que Genesis en Estaus Unius), en 1988. A Mega Drive no tenió muito exito frent a as suyas competidoras en Chapón, pero tenió gran acceptación en America y Europa dimpués d'o lanzamiento de Sonic the Hedgehog en 1991 y superó breument a la suya prencipal competidora, a Super Nintendo, en os Estaus Unius. En ixe decenio a empresa sufrió cuantos fracasos comercials, como que as consolas 32X, Saturn y Dreamcast. Por ixo, finalment, en 2002 deixó de fabricar videoconsolas pa centrar-se solament en o desembolique de videochuegos.
Referencias
editar- ↑ (en) Smith, Alexander (2019). They Create Worlds: The Story of the People and Companies That Shaped the Video Game Industry, Vol. I: 1971–1982. CRC Press. p. 105. ISBN 978-0-429-75261-2.
