Romeo Must Die
Romeo Must Die (títol orichinal en anglés, en aragonés Cal que muera Romeo, enguerada en Aragón con o suyo títol traduciu enta lo castellano como Romeo debe morir) ye una cinta de cine d'acción de cine estausunidense de l'anyo 2000 dirichida por Andrzej Bartkowiak seguntes un guión adaptau por Eric Bernt y John Jarrell (basau en una historia de Mitchell Kapner), con una banda sonora orichinal de Stanley Clarke y Timbaland, una dirección de fotografía de Glen MacPherson y una producción cinematografíca a lo cudiau de Joel Silver y Jim Van Wyck ta la productora cinematografica Silver Pictures. De l'elenco d'a cinta en fan parte Jet Li, Aaliyah, Isaiah Washington, Russell Wong, DMX, Delroy Lindo, DB Woodside, Henry O, Anthony Anderson, Edoardo Ballerini, Françoise Yip, Terry Chen, Tseng Chang, Jon Kit Lee, Matthew Harrison, Alvin Sanders y Manoj Sood, entra d'atros actors.
Ch'u Sing ye lo chefe d'a Triada, a mafia chinesa. Su fillo Po Sing ye abordau por afroamericanos en un local propiedat de su pai en Oakland en California y lo lugartenient de su pai, Kai, lo rescata y l'amonesta. Po marcha d'o lugar pero a lo día siguient se troba lo suyo cuerpo en haber estau asasinau. Han Sing, lo chirmano gran de Po, ye un ex policía que tamién ha pasau bel tiempo en a garchola y, en conoixer la muerte de Po, decide investigar. Descubre que Isaak O'Day, un promotor inmobiliario afroamericano que tien negocios con Ch'u Sing, ye lo chefe d'a colla con qui heba estau complicau Po, y prencipia a tener relacions con Trish, la filla d'Isaak, a qui tamién heba trucau por telefon Po chusto antis de su asasinato.
A cinta s'ambienta en a suya epoca actual (2000) en Hong Kong y Oakland en California y las suyas escenas se filmoron en Oakland y San Francisco en California (Estaus Unius) y en Coquitlam y Vancouver en a Columbia Britanica (Canadá).[2]
Ye una cinta que ha recbiu bels premios y nominacions pero garra d'istos premios no perteneixe a los premios cinematografios mas conoixius u destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q748080
