Risgo cheolochico
Un risgo cheolochico ye un risgo natural que consiste en tot proceso, situación u escayeiximiento en o medio natural, indueito y mixto, que puet fer una desferra y un perchuicio economico u social pa bella comunidat y que precisa de criterios cheolochicos pa la suya predicción, prevención u corrección.
D'alcuerdo con esto os risgos se clasifica en función d'os procesos cheolochicos naturals que actuan sobre presonas u los biens materials y seguntes as accions humanas que los intensifican.
A hidrosfera y las cheosferas i intervienen, y de fueras d'os risgos d'orichen interno, tienen una dependencia d'o clima u de l'orache.
A causa d'as perdugas humanas y economicas, a cheolochía y a incheniería investigan huei més que nunca os risgos cheolochicos pa l'actividat humana, d'una traza que encara que no puedan fer res pa evitar as catastrofes, si que pueden prevenir-ne u aminorar-ne as suyas desferras.
O estudio d'os risgos en cheolochía actual s'enmarca en o contexto d'a polemica actualismo-catastrofismo. Huei, a fins d'o sieglo XX, a cheolochía abandona l'actualismo, que li ha permeso de progresar y ha tornato a un catastrofismo, pero sin connotaccions teolochicas u miticas d'o pasato y refirmato en datos fisicos, quimicos u biolochicos, o neocatastrofismo, que amuestra a espectacularidat d'as fuerzas d'a tierra quan son desligatas, ye o que podemos veyer en una gran inundación, un grant esliz u un vulcanismo devastador.
Os principals risgos cheolochicos s'achuntan en quatre grupos, pero a sobén son asociatos, por eixemplo un esliz se produce mientres o dimpués d'un tierratremol.
Una clasificación d'os risgos cheolochicos naturals ye:
- Risgos cheodinamicos internos
- Risgos cheodinamicos externos
- Movimientos de ladera
- Suelos expansivos
- Subsidencias y colapsos (sulsidas, esboldregamientos).
- Desplazamiento de dunas
- Risgos en zonas costeras
- Inundacions
BibliografíaEditar
- (es) Diodora Calvo Aldea, Maria Teresa Molina Álvarez y Joaquín Salvachúa Rodríguez: Ciencias de la tierra y medioambientales. 2º Bachillerato. 2010 Mc´GrawHill.