Diapiro
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un diapiro ye una estructura cheolochica en a que un material de comportamiento plastico u dúctil situato en livels inferiors ye sozmeso a gran presión y puya foratando os materials que bi ha en capas superiors. A sobén os diapiros se forman en plegos anticlinals cuan en o nuclio bi ha un material ductil capaz de puyar a traviés d'as fracturas que se forman en os materials tiercos que lo embolican. Ixos materials gosan estar evaporitas, pero tamién pueden estar archilas.
![](http://upload.wikimedia.org/wikipedia/commons/thumb/b/b8/Salt_dome_hg.png/250px-Salt_dome_hg.png)
Os diapiros pueden representar una fuent de recursos cheolochicos por l'halita, silvina u cheso que bi ha u por a trampa petrolifera que constituyen en estar as archilas y evaporitas materials impermeables que no deixan puyar o petrolio.
Tamién pueden representar un risgo cheolochico tanto por un abombamiento d'a superficie cuan o material puya, como por una subsidencia u sulsita cuan se disuelven as sals y chesos d'o diapiro, podendo producir-se colapsos. En os dos casos se produce una inestabilidat d'as construccions.
En o Sistema Iberico y Pireneus bi ha diapiros en plegos anticlinals con as archilas, salagons y chesos de facies Keuper en o nuclio. Un d'os diapiros mes espectaculars d'Aragón ye La Olla Espartera[1], formau amán de Moneva por chesos de facies Keuper que han trescurzau a las calsineras y dolomías de livels superiors.
Referencias
editar- ↑ María Blasco Lázaro, Red natural de Aragón. nº 6, Campo de Belchite Prames, 2006.
Bibliografía
editar- Alain Foucault y Jean-François Raoult Diccionario de Geología. Masson, 1985.
- Diodora Calvo Aldea, Maria Teresa Molina Álvarez, Joaquín Salvachúa Rodríguez Ciencias de la tierra y medioambientales. 2º Bachilleraro. 2010 McGrawHill.