Ride Beyond Vengeance
Ride Beyond Vengeance (títol orichinal en anglés, en aragonés Cavalga dillá d'a venganza, enguerada en Aragón con o títol en castellano de Noche de violencia, en aragonés Nueit de violencia) ye una cinta de cine de western de l'anyo 1966 de cine estausunidense dirichida por Bernard McEveety seguntes un guión adaptau por Andrew J. Fenady )basau en The Night of the Tiger, una novela publicada en 1956 por Al Dewlen), con una banda sonora orichinal de Richard Markowitz, una dirección de fotografía de Lester Shorr, una producción cinematografica d'Andrew J. Fenady ta la productora cinematografica Mark Goodson-Bill Todman Productions y un elenco d'o cual en fan parte, entre d'atros, os actors Chuck Connors, Michael Rennie, Kathryn Hays, Joan Blondell, Gloria Grahame, Gary Merrill, Bill Bixby, Claude Akins, Paul Fix, Marissa Mathes, Harry Harvey, William Bryant y Jamie Farr.
Un funcionario que ye elaborando lo censo de población plega en o lugar de Cold Iron en Texas y en rematar o treballo comenta en un bar que muitos d'os habitants d'o lugar levan dos nombres poco comuns, "Jonas" y "Reprisal" (represalia, en anglés). Alavez li explican o motivo, que tien o suyo orichen muitos anyos atrás, cuan Jonas Trapp tornaba en a suya casa dimpués de muitos anyos d'ausencia y lo maltractoron, espulloron y roboron bels habitants d'o lugar que erroniament l'acusaban d'estar un ladrón de ganau. Dixando-lo por muerto, lo reculle y lo cura un granchero, pero Jonas no deseya so que vengar-se y marcha de nuevo enta Cold Iron.
A cinta s'ambienta en Texas en dos momentos diferents: en a epoca actual d'a cinta (1966) y en a epoca d'os feitos que se contan, que ye en bel momento indeterminau de finals d'o sieglo XIX. As suyas escenas se filmoron en o Parque Nacional Acadia (Maine) y bellas localidaz en Maine, California y Utah, amás d'en Yuma en Arizona y en os Culver Studios en Culver City en Calfornia.[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) Ride Beyond Vengeance en Internet Movie Database.
- (en) Ride Beyond Vengeance en TCM Movie Database.
- (en) Ride Beyond Vengeance en AllMovie.
- (en) Ride Beyond Vengeance en l'American Film Institute Catalog de l'American Film Institute.
- (en) Ride Beyond Vengeance en Rotten Tomatoes.
- (en) Ride Beyond Vengeance en Letterboxd.
- (es) Ride Beyond Vengeance en FilmAffinity.
Datos: Q7332488
