Rechión de Doboj

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A rechión de Doboj (en serbio Регија Добој, en bosnio Regija Doboj) ye una d'as siet rechions d'a Republica Serbia. O centro administrativo d'a rechión ye Doboj y ye localizada a o norte d'o país.

Rechión de Doboj Регија Добој Regija Doboj
Rechión d'a Republica Serbia
Entidat  • Estato  • Entidat	Rechión Bosnia y Herzegovina Republica Serbia
Capital	Doboj
Subdivisions	9 municipios
Población  • Total (2005)	98.000 hab.
ISO 3166-2	BIH
Localización d'a rechión de Doboj

Buena part d'as localidaz d'esta rechión administrativa feban part d'a Posavina Bosnia (Bosanska Posavina), rechión natural de mayoría relativa croata antes d'a Guerra de Bosnia, cuan os serbios prenioron o control d'esta zona pa que esdevenís un corredor entre as zonas de mayoría serbia de l'este y l'ueste de Bosnia. Bi habió muitos croatas y bosnios que se refuchioron en a redolada de Slavonki Brod (Eslavonia, Croacia, en l'atra marguin d'o río Sava), y no en tornoron. Os acuerdos de Dayton de 1995 no nomás ratificoron l'anexión d'este corredor que precisaban os serbios pa fer viable a suya entidat politica y administrativa, tamién permitioron ixamplar o corredor con l'anexión de localidaz a on que os croatas heban puesto resistir a ofensiva serbia.

Lista de municipios

1. Bosanski Brod (cuan en a Guerra de Bosnia cayó en mans d'os serbios li cambioron o nombre por Srpski Brod; en l'anyo 2009 fixoron o suyo nombre como simplament Brod).
2. Derventa.
3. Doboj.
4. Donji Žabar (conoixida antis mas como Orašje Serbia).
5. Modriča.
6. Pelagićevo.
7. Petrovo.
8. Šamac.
9. Vukosavlje.

• Datos: Q1345865
• Multimedia: Doboj Region / Q1345865