Raising Helen
Raising Helen (títol orichinal en anglés, en aragonés A devantada d'Hele, enguerada en Aragón con o títol en castellano de Mamá a la fuerza, en aragonés Mamá por fina fuerza) ye una cinta de cine estausunidense de cine de comedia dramatica de romance enguerada l'anyo 2004, dirichida por Garry Marshall seguntes un gión adaptau por Jack Amiel y Michael Begler (basau en una historia de Patrick J. Clifton y Beth Rigazio), con una banda sonora orichinal de John Debney y Mark Vogel, una dirección de fotografía de Charles Minsky y una producción cinematografica d'Ashok Amritraj y David Hoberman ta las productoras Touchstone Pictures, Beacon Pictures, Hyde Park Entertainment y Mandeville Films. Conta con un eleno d'o cual en fan parte, entre d'atros actors, Kate Hudson, John Corbett, Joan Cusack, Hayden Panettiere, Spencer Breslin, Abigail Breslin, Helen Mirren, Felicity Huffman, Kevin Kilner, Sakina Jaffrey, Joseph Mazzello, Sean O'Bryan, Catherine Tayrien, Evan Sabara, Paris Hilton, Amber Valletta, Ethan Browne, Shannon Wilcox, Frank Campanella, Michael Esparza, Katie Carr, Rio Hackford, Héctor Elizondo, Larry Miller y Shakara Ledard.
Helen treballa como secretaria d'una achencia de modelos en Nueva York, a on i viven as suyas dos chirmanas, que son mais de familia responsables a diferencia de Helen, que en estar soltera vive sin garra responsablidat. Sindembargo, en morir en un accident d'auto una d'as chirmanas, Lindsay, con o suyo mariu, en leyer-se lo testamento troban que han decidiu confiar sus fillos previsorament a Helen y no a l'atra chirmana responsable, Jenny. Se tracta de Sarah (5 anyos), Henry (10 anyos) y Audrey (15 anyos), y con éls cambia en profundidat a vida de Helen, que se veye obligada a convertir-se en una mai y a afrontar os problema cutianos d'una familia con fillos y amás estando una d'as fillas una adolescent, encara que cadaguno d'os tres planteya la suya propia problematica. En primeras, Helen cambia de treballo, pero bien luego, en buscar escuela ta los ninos, conoix a Dan Parker, o mosén luterano que diriche la escuela, bien agradable, que l'aduya a comprender a los ninos y que bien luego amuestra intrés amoroso por ella.
A cinta s'ambienta en a suya epoca actual (2004) en a ciudat estausunidense de Nueva York, y las suyas escenas se filmoron en ixa mesma ciudat de Nueva York (Nueva York), en Glendale y Los Angeles (California) y en Springfield (Nueva Jersey), amás d'en os Universal Studios en Universal City, tamién en California.[2]
Ye una cinta que ha recibiu bella nominación a bel premio, pero no a garra premio d'os mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero de Raising Helen en Internet Movie Database.
- ↑ (en) Localizacions de Raising Helen en Internet Movie Database.
- ↑ (en) Raising Helen en Internet Movie Database.
Datos: Q1422400
