Escuela

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una escuela u colechio ye una institución u centro encargau d'educar u impartir docencia sobre unas determinadas arias.

Escuela de Puertomingalbo, Gúdar-Chabalambre

Escuelas Pías de Zaragoza

Albert Anker (1896)

O termín escuela s'aplica a toz os livels d'estudios: escuela infantil, escuelas primarias u segundarias, escuelas universitarias, escuelas de verano, escuelas d'adultos, autoescuelas, escuelas d'idiomas, de musica, etc.

O termin colechio ye mas concreto y s'aplica por un regular a las escuelas d'educación obligatoria pa ninos y chóvens. Mientres un tiempo se feba servir l'abreviadura CEIP, de Centro d'Educación Infantil y Primaria pa designar istos centros, pa tornar dimpués a escuela. Tamién existe o termin colechio mayor, que ye una residencia d'estudiants, por un regular universitarios.

A escuela en a educación basica y obligatoria en Espanya

Os termins escuela y colechio s'emplegan mas que mas pa fer referencia a las institucions encargadas de dar una educación formal a os alumnos, prencipalment ninos y chóvens. Gosa tener como referents: un centro educativo a on se desembolican as clases, un conchunto de mayestros u profesors, un currículum educativo a impartir (fixau en gran mida por l'administración politica con as competencias en educación d'o territorio) y un prochecto educativo que define os obchectivos y la orientación d'a escuela. As familias delegan en a escuela gran parti d'a educación d'os suyos fillos y por tanto a escuela se fixa como metas l'adquisición d'aprendizaches basicos pa continar estudiando (dividius en livels u cursos) u bien necesarios pa inserir-se en a sociedat con exito y una correcta socialización a traviés d'as normas y as relacions entre os grupos.

Se fa distinción entre escuela publica, escuela concertada u privada seguntes a financiación y titularidat d'o centro. Tamién se puet clasificar en comprensiva u no en función d'o tipo d'alumnau y d'agrupación. Muitas escuelas d'arredol d'o mundo s'identifican con una ideolochía u relichión determinada. Amás existen as ditas escuelas especials, centros a on estudian alumnos discapacitaus u especialment dotaus en bel ambito.

Se veiga tamién

• Se veigan as imáchens de Commons sobre Escuela.
• Educación
• Universidat
• Pupitre

Referencias

• Datos: Q3914
• Multimedia: Schools / Q3914