Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A rabia (d'o latín rabies "varrenadura"[1]) ye una malautía zoonotica viral, de tipo aguda y infecciosa. Ye causada per una especie de virus d'a familia Rhabdoviridae que ataca lo sistema niervoso central, causando una encefalitis con una letalidat amanada a lo 100 %.[2]

Un malauto de rabia.

O virus d'a rabia se troba difundiu en tota la planeta y ataca a mamifers, tanto domesticos como montesins, incluyindo tamién a lo ser humán. Se troba en l'escupinazo y en as secrecions d'os animals infectaus y s'inocula a l'humán cuan animals infectaus l'atacan y provocan en l'humán bella lesión per mosegada. Amás, o virus puede estar transfundiu tamién cuan un individuo que tien bel curte en a piel (vía de dentrada d'o virus) tien contacto con as secrecions salivals d'un animal infectau.

Ista malautía, si no se tracta con a maxima urchencia, remata provocando la muerte d'o malauto. No existe en l'actualidat tractamiento especifico pa los pacients con rabia. Ista malautía se considera cheneralment fatal.

Referencias editar

  1. (en) Simpson DP (1979). Cassell's Latin Dictionary (5 ed.). London: Cassell. p. 883. ISBN 978-0-304-52257-6.
  2. (en) Rabies en a pachina web d'a OMS.