Abrir menú principal
Quinyons d'a val de Tena

   Sallent

   Pandicosa

   A Partaqua

Un quinyón ye una entidat administrativa historica emplegata prencipalment en bellas vals pirenencas y que yera prou estendillata entre os sieglos XVI y XVIII. Os quinyons yeran mancomunidatz de municipios mugants aintro d'una val administratos por un chunta de gubierno cheneral en a que se feban asambleyas ta decidir qüestions como l'aprofitamiento d'a tierras y pastos. A más as asambleyas d'os quinyons administraban a chusticia d'a val y tot tipo de qüestions politicas.

Casas d'a Val, seu d'a Chunta Cheneral d'a Val (Pueyo de Tena)

Un eixemplo ye a val de Tena que yera dividita historicament en tres quinyons: o de Sallent, o de Panticosa y o d'a Partaqua. O primer yera formato por os lugars de Sallent de Galligo y Lanuza; o segundo por Pandicosa, O Pueyo y Oz y o tercero por Tramacastiella, Sandiniés, Escarriella, Piedrafita, Búbal y Saqués. Os tres quinyons teneban leis y privilechios comuns, administratos siempre por as periodicas Chuntas Chenerals d'a Val.

D'atra man tamién se fa servir a vegatas o termin quinyón ta o sistema de producción agricola basato en o reparto d'as tierras con l'obchectivo de sembrar-las y acosechar-las. O quinyón ye a parti correspondient de tierra de cadagún d'os miembros que la comparten.