Pyotr Zakharov-Chechenets
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pyotr Zakharov-Chechenets | |
|---|---|
.jpg) Autorretrato de Pyotr Zakharov-Chechenets. | |
| Información personal | |
| Calendata de naixencia | 1816 |
| Puesto de naixencia | Chechenia (Imperio Ruso) |
| Calendata de muerte | 1846 |
| Ocupación | Pintor |
Pyotr Zakharov-Chechenets, naixito de Chechenia (Imperio Ruso) en 1816 y muerto en 1846, estió un pintor ruso d'orichen chechén (mientres o sieglo XIX estió o solo pintor profesional d'orichen chechén, amás d'estar o primer pintor conoixito d'ixe nacionalidat).
Pyotr Zakharov-Chechenets yera naixito en puesto y calendata desconoixitos. En 1819, mientres a Guerra d'o Caucaso, soldatos rusos troboron en una aldeya chechena un nin de 3 anyadas, alto u baixo, chunto a o cuerpo sin vida de qui se suposa yera a suya mai. Aleksey Petrovich Yermolov, qui yera o comandant en cabo de l'Exercito ruso en ista guerra, ordenó a os suyos medicos que fesen tot o posible ta salvar a suya vida, y o nin sobrevivió, convertindo-se luego en o pintor Pyotr Zakharov-Chechenets, dimpués de ser educato por un cosaco, qui li dió o suyo patronimo, amás de prener o chentilicio d'o suyo pueblo. Cuan teneba 7 anyadas, l'adoptó o cheneral ruso Pyotr Yermolov, primo d'o militar que l'eba salvato.
Zakharov-Chechenets quiso estudiar Arte en a Academia Imperial d'Artes de Sant Petersburgo cuan teneba 10 anyadas, encara que li refusoron a suya dentrada cuan o president deixo que encara yera muit nin, y li conselló prener un profesor particular. Cuan teneba 17 anyadas dentró en a Acedemia, y en 1835 yera graduado en Arte, y se li recomanó viachar a Italia, encara que Zakharov-Chechenets enfermó de tuberculosi; antiparte, o mesmo zar Nicolau I borró o suyo nombre d'a lista de becatos, decindo que as becas de l'Academia no yeran pas ta miembros de minorías etnicas. Sindembargo, pronto se convertió en o pintor de moda de l'alta sociedat de Sant Petersburgo, incluyindo-ie a propia familia imperial.
Dimpués de muitos problemas por a oposición d'os pais d'a suya novia, casó con ista o 14 de chinero de 1846, encara que a suya muller morió por tuberculosi o 13 de chunio y quedó viduo, ta morir o mesmo anyo.
Galería d'imachens
editar-
Os fillos de Pyotr Yermolov, 1839 -
Retrato d'o historiador Timofey Granovsky, 1845 -
Retrato d'Aleksey Petrovich Yermolov, 1842
Vinclos externos
editar
Se veigan as imáchens de Commons sobre Zakharov-Chechents.
Datos: Q2366448- Multimedia: Pyotr Zakharov-Chechenets / Q2366448
