Prencipau de Domba

O prencipau de Domba (en francés Dombes), primer senyoría, estió una churisdicción feudal de Francia, a l'uest de Bresse, a l'este de Beaujeu, a o norte d'o Leonés y a o sud d'o Mâconês. Yera formato por dotze castiellos: Trevoux, Toissey, Beauregard, Monmèrle, Lent, Chalamont, le Châtelard, Marlieu, Baneins, Villeneuve-au-Prince, Amberieu y Ligneu.

Prencipau de Domba Principauté de Dombes
Comarca d'Arpitania
Anvista aeria
Capital	Villars-les-Dombes
Entidat  •País  •Departamento	Comarca  Arpitania Ain

Una parti esencial d'istas terres pasó a la senyoría de Beaujeu, chunto con a senyoría de Miribel, por o enlace de Hubert V de Beajeau con Margalida, filla de Guiu sinyor de Baugé y Bresse, y completatos por atros territorios adquiritos por posteriors enlaces con os sinyors de Baugé y Bresse y con a casa de Savoya.

Paisache de Domba

O zaguer sinyor de Beaujeu, Eduardo II, cedió o territorio a Lois II duque de Borbón en 1400. Continó en a casa de Borbón dica que a hereva Susana, que se casó con o suyo primo Carlos de Borbón pero no tenió fillos, morió y se planteyó alavez un litichio entre o condestable de Borbón y Loisa de Savoya (mai d'o rei Francisco I de Francia), y a segunda fue reconoixita sinyora. O condestable se pasó a o enemigo (o emperador Carlos V, I d'Espanya) y le'n confiscoron todas as suyas tierras, pero en virtut d'os Tractatos de Madrit y de Cambrai le'n tornoron a Lois de Borbón, prencipe d'a Roche-sur-Yon, que recibió o ducato de Châtelleraud, o Beaujolais y a senyoría de Domba y poco dimpués, en 1560, se reconoixió a o duque Lois de Borbón o ducato de Montpensiér y as senyorías de Beajeau y Domba, con o segundo como sobirán, a on podioron acunyar moneda y tener totz os privilechios d'a sobiranía absoluta. Se creyó por ixas envueltas o parlamento de Domba (teneba as sesions en León d'o Roine y dimpués en Trevoux). Ana María Loísa d'Orleans donó o prencipau a o duque de Maine en marzo de 1682. Morió en 1793. O fillo d'o duque de Maine, Lois Carlos conte d'Eu, cedió o prencipau a Francia a cambeo d'o ducato de Gisors en 1762. Domba s'incorporó a la corona y deixó d'estar independient.

Sinyors de Domba

Francisco I de Francia

Henrique I (II de Francia)

Dinastía de Beaujeu:

• Huberto (V) de Beajeau, 1185-1250
• Guixardo 1250-1265
• Renaud 1265-1277
• Loís I 1277-1295
• Guixardo II o Gran 1295-1331
• Eduardo I 1331-1351
• Antonio 1351-1374
• Eduardo II 1374-1400

Dinastía de Borbón Montpensiér:

• Loís II, duque de Borbón 1400-1410
• Chuan I (fillo) 1410-1434
• Carlos I (fillo) 1434-1456
• Chuan II (fillo) 1456-1488
• Pero (fillo) 1488-1503
• Susana (filla) 1503
• Carlos II (marito) 1503-1527

Dinastia de Francia:

• Loisa de Savoya 1527
• Francisco I de Francia 1527-1547
• Henrique I (II de Francia) 1547-1559
• Francisco II 1559-1560

Prencipes de Domba

Dinastía de Borbón-Montpensiér:

• Lois III de Borbón-Montpensiér (1551-1582)
• Francisco III de Borbón-Montpensiér (1582-1592)
• Henrique II de Borbón-Montpensiér (1592-1608)
• María de Borbón-Montpensiér (1608-1626)
• Gastón de Francia duque d'Orleans (1626-1660)
• Ana María Loisa d'Orleans (1660-1693)

Dinastia de Borbó-Maine:

• Lois Augusto de Borbón (1681-1736)
• Lois Augusto II de Borbón (1736-1755)
• Lois Carlos de Borbón (1755-1762)