Piteus

	Piteus; Poetae; Poitiers
	Comuna de Francia
	; Plaza Charles de Gaulle
Estau; • Rechión; • Departam.; • Districto; • Cantón	Francia; Nueva Aquitania; Viena (prefectura); Piteus (capital); Capital de 5 cantons:; Piteus-1, 2, 3, 4 y 5
Mancomunidat	Mancomunidat de Poitiers
Superficie	42.11 km²
Población; • Total	; 89 212 hab. (2013)
Altaria; • Meyana; • Maxima; • Minima	; 75 m; 144 m; 65 m
Alcalde	Alain Claeys
Codigo postal	86000
Codigo INSEE	86194
Coordenadas	46°34’52’’N 0°20’ 7’’E
	Piteus Piteus en Francia

Piteus (en petavín-santonchés Poetae, en occitán Peitieus, en francés Poitiers) ye una comuna francesa situata en o departamento de Viena, en a rechión de Nueva Aquitania. En l'anyo 2004 teneba una población de 87.012 habitants.

ToponimiaEditar

L'antigo nombre celta, Lemonum, cambió t'o nombre d'o pueblo galo que la habitaba en caso ablativo-locativo (como se desvinió en muitas ciudatz galas). N'este caso os PICTAVI u pictons que habitaban a zona orichinoron en latín dos toponimos: a ciudat PICTAVIS^[1] en ablativo-locativo, y a rechión historica PICTAVU.

O exotoponimo aragonés Piteus, probablement plegau a traviés de l'occitán Peitieus, se troba por eixemplo en o "Cantar de la Campana de Uesca":

Et encontinent los aragoneses levantaron rey.

et dieronle por muller la filla del conde de Piteus.

En a Cronica d'os Estatos Peninsulars escriben:

esti venció la grant batalla de Cotanda, en la qual fue el cuende de Piteus con DC ombres a cavallo

Tamién lo veyemos en textos navarros de primers d'o sieglo XIV, i heba un tal Estaban de Borret que teneba como tetulo sozdeán de Piteus:

seppan quantos esta present carta verán et odrán que nos sire Esteuan de Borret sodean de Piteus.... (1308)

sepan quantos esta present cara verán et odrán que ante nos Esteuan de Borret sondean de Pitheus.... (1308)

como el conceyllo de Murieillo cabo Tudella de Christianos et de moros oviessen dad vna supplication a los honrados et cuerdos seynnores maestre Esteuan de Borret sozdean de Pitieus... (1310)

O chentilicio en aragonés se conoix por o nombre d'a moneda petavino y por un texto en latín medieval con elementos de romance navarro-aragonés:

Peire Peitavin testimonia et don Humber lo bretón teste et don Gitar teste

(1148)