Abrir menú principal

A parasíntesi ye un proceso de formación de parabras complexo con trazas de derivación u de composición. Bi n'ha de diferents clases.

Contenius

Prefixo + Sustantivo + SufixoEditar

Pueden estar verbos (esmorteixer, emporcar), sustantivos (talment semontano), u adchectivos (rebordenco).

En o caso de l'aragonés emporcar, como en o caso d'o castellán aterrizar, o sustantivo prene a forma latina anterior a la diftongación romance, (porco, terra), y esto ye una diferencia important con respecto a la composición.

Atra caracteristica d'esta traza de parasintesi ye que si sacamos o prefixo o conchunto sustantivo+sufixo no tien garra significau, y lo mesmo pasa si sacamos o sufixo con o conchunto prefixo+sustantivo. Estos dos feitos representan una diferiencia important con respecto a la derivación.

Un d'os prefixos verbals mes comuns en construccions parasinteticas ye o prefixo a- derivau d'o prefixo latín AD- (amaitinar, apedregar).[1]

Sustantivo + Sustantivo + SufixoEditar

Ye o caso d'o castellán quinceañero y d'o benasqués poticaixada.

ReferenciasEditar

  1. (es) José Antonio Saura Rami:: Elementos de fonética y morfosintaxis benasquesas. Gara d'Edizions, Institución Fernando el Católico, 2003 pp 333-334.

BibliografíaEditar