Verbo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un verbo (d'o latín < VERBUM "palabra") ye una categoría gramatical, nuclio d'o predicato u sintagma verbal, que expresa existencia, estatos, accions, procesos u modificacions d'un subchecto u sintagma nominal. Ye a categoría d'o fenomeno, la que sitúa o subchecto en o tiempo, accident u morfema caracteristico d'o verbo; a más, o verbo tamién ye marcato por os morfemas de persona, nombre, aspecto, modo y voz. Istos morfemas fan d'o verbo una parti variable d'a oración y constituyen a suya conchugación, en flexionar-se o radical (elemento que contiene a significación lexical d'a palabra) u o tema verbal con as desinencias u terminacions, que dan as distintas formas de cada paradigma.

Por tanto, ye una palabra que expresa l'acción que recibe u realiza o subchecto, ye a sola que ye imprescindible en una frase. Encara que tradicionalment s'entiende un verbo con una palabra que exprisa accions, bi ha palabras que reflexan accions (como "plegata") y verbos que no se refieren a dengún auto, como os copulativos.

Se veiga tamién

• Pro-verbos.
• Verbo en aragonés.
• Verbos auxiliars.
• Verbos copulativos.
• Verbos irregulars.
• Verbos incoativos.
• Verbos freqüentativos.
• verbos liuchers.
• Verbos con particla en anglés.
• Verbos con particla en aragonés.