Over the Top (cinta de 1987)
- Iste articlo ye sobre una cinta de cine de drama esportivo estausunidense enguerada en 1987; ta atros usos, se veiga Over the Top y Over the Top (cinta).
Over the Top (títol orichinal en anglés, en aragonés En a cima, enguerada en Aragón con o títol en castellano de Yo, el halcón, en aragonés Yo, lo falcón) ye una cinta de cine de drama d'esportes de cine estausunidense enguerada l'anyo 1987, dirichida por Menahem Golan seguntes un guión adaptau por Stirling Silliphant y Sylvester Stallone (basau en una historia de Gary Conway y David Engelbach), con una banda sonora orichinal de Giorgio Moroder, una dirección de fotografía de David Gurfinkel y una producción cinematografica de Menahem Golan y Yoram Globus ta la productora cinematografica The Cannon Group, Inc., y que conta con un elenco d'actors d'o cual en fan parte, entre d'atros, Sylvester Stallone, Robert Loggia, Susan Blakely, Rick Zumwalt, David Mendenhall, Chris McCarty, Terry Funk, Bruce Way, Paul Sullivan, Jimmy Keegan, Greg "Magic" Schwartz, Allan Graf, John Braden y Reggie Bennett.
Lincoln Hawk ye un cambionero que, amás de treballar con o cambión, s'adedica a la pulsiada ta obtener bel dinero extra. Su ex muller, Christina, li demana que reculla a su fillo Michael de l'academia militar a on se i troba y lo cudie mientre a suya estada en l'hespital, aproveitando ta desenrrollar a relación con él en no haber teniu contacto con él dende l'esvurcio. Ixo no li cuaca a l'avuelo d'o nino, Jason Cutler, bien cabalero y a qui mai no li ha caiu bien Lincoln. En primeras, Michael fa de menos a su pai, pero poquet a poquet prencipia a ganar respecto con él cuan comparten a vida en a carretera, a tamas d'os problemas que li causa l'avuelo y d'os propios problemas economicos de Lincoln. O suenio de Lincoln ye ganar o Campionato Mundial de Pulsiada a on ganará 500.000 dólars y lo millor cambión existent, y con tot ixo montar a suya propia empresa de transportes.
A cinta s'ambienta en os Estaus Unius en o suyo momento actual (1987) y las suyas escenas se filmoron en Flagstaff, Jerome, Page, Phoenix y atros puestos d'Arizona, en Las Vegas (Nevada), en Claremont y Los Angeles (California), en Utah, y en Ouray y atros puestos de Colorado.[2]
Over the Top ha recibiu bels premios y nominacons, encara que garra d'éls no fa parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero d'Over the Top en Internet Movie Database.
- ↑ (en) Localizacions d'Over the Top en Internet Movie Database.
- ↑ (en) Over the Top en Internet Movie Database.
Vinclos externos
editar- (en) Over the Top en Internet Movie Database.
Datos: Q901148
