Orbital atomico

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Iste articlo ye un borrador. Enamplando-lo aduyarás a amillorar a Biquipedia.

Un orbital atomico ye la rechión d'o espacio definito per una determinata solución particular, espacial y independient d'o tiempo a la equación de Schrödinger pa lo caso d'un electrón sozmeso a un potencial coulombiano. La esleción de tres numers quanticos en a solución cheneral sinyalan univocament a un estato monoelectronico posible.

Orbitals atomicos y moleculars. Lo esquema d'a ezquierda ye la regla de Madelung seguindo lo Prencipio d'Aufbau pa determinar la seqüencia enerchetica d'orbitals. Lo resultato ye la secuencia inferior d'una imachen. Cal tener en cuenta que los orbitals son función de tres variables, la distancia a lo nuclio, r y dos anglos. Las imachens nomás represientan que la component angular de l'orbital, amás de que son fragmentos asistitos.

Istos tres numers quanticos fan referencia a la enerchía total de l'electrón, lo momento angular orbital y la prochección d'o mesmo sobre l'eixe z d'o sistema d'o laboratorio y se denotan por

$\langle {\vec {r}}|nlm\rangle =\psi _{n,l}^{m}({\vec {r}})$

Un orbital tamién puet representar la posición independient d'o tiempo d'un electrón en una molecula, en qual caso se denomina orbital molecular.

La combinación de totz es orbitals atomicos dan puesto a la crosta electronica, representata per lo modelo de capas, lo qual s'achusta a cada elemento quimico seguntes la configuración electronica correspondient.