O Sinyor d'os Aniellos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| O Sinyor d'os Aniellos | |
|---|---|
| |
Información cheneral
| |
| Autor | J.R.R. Tolkien |
| Chenero literario | Novela |
Versión orichinal en anglés
| |
| Títol orichinal | The Lord of the Rings |
| Editorial | George Allen & Unwin |
| Ciudat | Londres |
| Estato | .svg){kind=small} Reino Uniu
|
| Calendata de publicación |
1954 |
| Succesión de libros | |
| Precedito por | O Hobbit |
| Succedito por | As aventuras de Tom Bombadil |
O Sinyor d'os Aniellos ye un libro de J.R.R. Tolkien publicato de 1954 en anglés, con o títol en anglés de The Lord of the Rings.
A suya historia se desembolica en a Tercera Edat d'o Sol d'a Tierra Meya, un puesto ficticio poblau per hombres y atras razas antropomorfas como os hobbits, os elfos u os nanos, asinas como per muitas atras creaturas reals y fantesticas. A novela narra o viache d'o suyo protagonista prencipal, Frodo Baggins, hobbit d' a Comarca, pa destruyir l'Aniello Unico y a consiguient guerra que provocará l'enemigo pa recuperar-lo, ya que ye la prencipal fuent de poder d'o suyo creyador, o Sinyor fosco, Sauron.
O Sinyor d'os Aniellos ye un d'os libros mas vendius nunca escritos, con mas de 150 millons de copias vendidas.[1]
Encara que por un regular ye conoixiu per os lectors como una trilochía, Tolkien pretendeba que o treballo estase un volumen d'un conchunto de dos volumens de conchunta con O Silmarillion. Per razons economicas, O sinyor d'os aniellos se publicó en o transcurso d'un anyo dende lo 29 de chulio de 1954 dica lo 20 d'octubre de 1955, en tres volumens tetulaus A Comunidat de l'Aniello, As Dos Torres y A Tornada d'o Rei. Lo treballo se trestalla internament en seis libros, dos per volumen, con cuantos apendices de material de referencia. Cualques edicions posteriors imprentan l'obra completa en un solenco volumen, seguindo l'intención orichinal de l'autor.
Adaptacions cinematograficas
editarO Sinyor d'os Aniellos, estió levada a lo cine en forma de trilochía que con cualques variacions se cinye, en linias chenerals, a la trama prencipal d'a novela. Comprende tres cintas epicas de fantesía, acción y aventuras: The Lord of the Rings: The Fellowship of the Ring de l'anyo 2001, The Lord of the Rings: The Two Towers de l'anyo 2002 y The Lord of the Rings: The Return of the King de l'anyo 2003.
As tres cintas estioron escritas, producidas y endrezadas per Peter Jackson, coescritas per Fran Walsh y Philippa Boyens y distribuyidas per New Line Cinema. Considerau como un d'os mayors prochectos cinematograficos acometidos, con una recaudación global de mas de 2.900 millons de dolars, lo prochecto completo duró ueito anyos, con a filmación simultania d'as tres cintas y rodadas enterament en a tierra natal de Jackson, Nueva Zelanda.
Se veiga tamién
editarReferencias
editar- ↑ (en) Tolkien proves he's still the king en Toronto Star
Datos: Q15228
Multimedia: The Lord of the Rings / Q15228
