Os elfos son creyaturas d'a mitolochía nordica y mitolochía chermanica. Orichinalment se tractaba d'una deidat menor d'a fertilidat y representaus como hombres y mullers chovens, de gran belleza, que viven en selvas, espelungas u fuents. Se los consideraba como que sers de larga vida u immortals y con poders machicos.

Elfos d'o prau (Ängsälvor) seguntes o pintor Nils Blommér.

Con a urbanización y a industrialización en os sieglos XIX y XX, as creyencias en os elfos disminuyoron rapidament (encara que Islandia tien bella afirmación d'a creyencia popular contina en os elfos). Manimenos, dende o periodo moderno temprano en adebant, os elfos prencipioron a estar prominents en a literatura y l'arte d'as chens educadas. Istos elfos literarios estioron imachinaus como sers chicotz y travesers, con A Midsummer Night's Dream de William Shakespeare como un desembolique clau d'ista ideya.

Os elfos dentroron en o chenero d'alta fantesía d'o sieglo XX a resultas d'obras publicadas por autors como J. R. R. Tolkien; istos repopularizaron a ideya d'os elfos semellants a os sers humans.