O Portalet de ra Nieu

Start hand.svg Ista fuella ye escrita en tensino.

No entivocar-se con o collau de ra Nieu (2.246 m).
O Portalet de ra Nieu
Portalet d'Anéu
Antigo puesto de control en a muga
Antigo puesto de control en a muga
Situación
País Flag of Béarn.svg Biarn
Flag of Aragon.svg Aragón
De
ta
Laruntz
Escarriella
Datos chenerals
Altaria 1.794 m
Trazato /
construyito en
Maxima costera %
Longaria km
Tipo Carretera
Zarrato
d'hibierno
Entre noviembre y mayo
Mapa
Perineu Aragonés (orografía).png
Map marker icon – Nicolas Mollet – Mountain Pass – Nature – white.png

O Portalet de ra Nieu (en occitán Portalet d'Anéu, en francés Col du Pourtalet, en castellán El Portalet), a ormino conoixito simplament como O Portalet, ye un puerto de montanya en a huega entre Aragón y Francia. Ye situato a 1.794 m. d'alsada a 110 km de Uesca y comunica as vals de Tena (Aragón) y Osal (Biarn, departamento de Pireneus Atlanticos). A suya versant aragonesa perteneixe a ro municipio aragonés de Sallent de Galligo, constituyindo antiparti o naixedero de ro río Galligo..

ToponimiaEditar

L'apelativo de ra Nieu lo prene de ro nombre d'un pico, a punta de ra Nieu (2.364 metros), que se devanta en a redolata de ro cuello.

CheografíaEditar

Situato a una altaria de 1.794 m, trescruza o cul de ra Nieu y ofreixe una polita anviesta de ro Midi d'Osal.

A vía de comunicación que pasa por o Portalet adquiere a denominación d'A-136 seguntes o rete espanyol de carreteras, enlazando en o suyo atro estremo con a N-260 chunto a Biescas. O tramo francés corresponde a ra D-934, que enlaza con a D-918 chunto a Laruntz. O paso de Portalet acostumbra permaneixer tancato d'hibierno, debito a ra ripa de nieu que bi ha entre os meses d'octubre y mayo.

O Portalet de ra Nieu ye un buen punto de salita pa fer excursions por as montanyas de ra redolata.

HistoriaEditar

 
Menas de fluorita de Portalet. En primer plan, o muro de piedras que marca a huega; as menas se troban en o canto aragonés.

Puerto pirenenco important, ha estato emplegato a ormino como paso de personas, ganato y mercadurías.

Agún se bi troba l'antigo edificio de ra duana que ye actualment emplegato d'hibierno por o equipo franco-espanyol de sacanieus.

Bi ha restas d'antigas menas, tanto en o costato aragonés como en o biarnés, de ras que se quitaba d'antis más fluorita.

ActividatzEditar

EconomíaEditar

En a parti aragonesa bi ha varias botigas (ditas ventas). Debito a la esferencia entre os impuestos franceses y espanyols, a-saber-los franceses se bi amanan pa mercar, mas que mas alcohol (Pernod-Ricard por eixemplo creyó un cartel publicitario especial en Francia sobre as botigas en o Portalet) u tabaco, más barato que a l'atro canto de ra huega.

CiclismoEditar

O Tour de Francia ha trasminato nomás una vegata por o Portalet, en l'anyo 1991, mientres a 13a etapa entre Chaca y Val-Louron. O belga Peter De Clercq pasó en capeza de ra cursa[1]. A Vuelta a Espanya, a Quebrantahuesos, a Vuelta a ros Pireneus u a Vuelta a Aragón tamién han tenito a iste puerto como scenario.

ReferenciasEditar