No Highway in the Sky
.svg){kind=small}
No Highway in the Sky (títol orichinal en anglés, en aragonés No bi ha autopista en o cielo, enguerada en Aragón con o títol en idioma castellano de Momentos de peligro, en aragonés Momentos de periglo) ye una cinta de cine d'intriga dramatica de l'anyo 1951 dirichida por Henry Koster seguntes un guión adaptau por R. C. Sherriff, Oscar Millard y Alec Coppel (basau en a novela No Highway, publicada por Nevil Shute en 1948), con una banda sonora orichinal de Malcolm Arnold, una dirección de fotografía de Georges Périnal, una producción cinematografica de Louis D. Lighton ta la productora cinematografica 20th Century Fox y un elenco composau por, entre d'atros actors, James Stewart, Marlene Dietrich, Glynis Johns, Jack Hawkins, Janette Scott, Elizabeth Allan, Ronald Squire y Jill Clifford.
Theodore Honey ye un cientifico estausunidense prou despistau que ha feito investigacions con un modelo matematico que amuestra que en plegar exactament en as 1.440 horas de vuelo en un determinau modelo d'avión a causa de bellas vibracions d'o motor a suya coda se crebará y cayera, y l'avión s'esfrenará. Como fa poquez días s'heba esfrenau un avión d'ixe modelo y casualment o suyo libro de vuelo idicaba que heba volau 1.440 horas en o momento de l'accident, deciden fer una primera investigación, ta lo cual s'amenista disposar d'a cola de l'avión, que no s'ha trobau encara. Alavez deciden ninviar a lo cientifico ta que partecipe en a busca d'a coda y en o suyo analís cuan la troben, pero lo ninvían enta lo lugar de l'accident en un atro avión d'o mesmo problematico modelo y cuan son en volando Theodore descubre que l'avión ya ha volau cuasi ixas 1.440 horas. Esgarillau, comunica ixo en primeras a lo capitán de l'avión pero dimpués lo fa a l'azafata de l'avión y a una actriz que i viacha, fendo poquet a poquet una gran amistat con ellas dos.
A cinta s'ambienta en o suyo momento actual (1951) en Terranova y Labrador en Canadá y las suyas escenas se filmoron en Farnborough y Yateley (Hampshire) y en os Denham Studios (Buckinghamshire).[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar
Se veigan as imáchens de Commons sobre No Highway in the Sky.- (en) No Highway in the Sky en Internet Movie Database.
- (en) No Highway in the Sky en AllMovie.
- (en) No Highway in the Sky en l'American Film Institute Catalog de l'American Film Institute.
- (en) No Highway in the Sky en TCM Movie Database.
- (fr) No Highway in the Sky en Allociné.
- (es) No Highway in the Sky en FilmAffinity.
- (en) No Highway in the Sky en Letterboxd.
- (en) No Highway in the Sky en Rotten Tomatoes.
Datos: Q1215722- Multimedia: No Highway in the Sky / Q1215722
