Neutrón

En fisica, o neutrón ye una particla subatomica que tien como simbolo n u n0, sin carga electrica y de masa liucherament superior a la d'o protón. Lo neutrón se clasifica como barión, per estar componiu per tres quarks, y como nucleón pa formar parti, de conchunta con o protón, d'os nuclios d'os atomos, fueras de l'isotopo mas común de l'hidrocheno, 1 H, formau per un solenco protón y un electrón. Mientres o numero de protons en un nuclio ye o numero atomico y define o tipo d'elemento d'as formas atomicas, o numero de neutrons determina l'isotopo d'un elemento.[1]

Estructura de quarks d'un neutrón.

Difuera d'o nuclio, os neutrons son inestables, se sozmeten a la desintegración beta y tienen una vida meya d'arredol de quince menutos (tn = 881,5 ± 1,9 s). Os neutrons libres se producen en as reaccions nucleyars de fusión y fisión. Encara que no ye un elemento quimico, o neutrón libre a vegadas figura en os quadros de nucleidos.

ReferenciasEditar

  1. (en) James Byrne, Neutrons, Nuclei and Matter: An Exploration of the Physics of Slow Neutrons. Mineola, New York: Dover Publications, 2011. ISBN 0486482383.