Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Nerium oleander
Un baladre (Nerium oleander).
Denominacions populars
baladre, laurel rosa, laurel cerezo
Estau de conservación

Seguro (IUCN)
Clasificación cientifica
Eukaryota
Plantae
Gentianales
Apocynaceae
Nerium
N. oleander
Descripción
Nerium oleander
Linnaeus, 1753

O baladre[1] (Nerium oleander (Linnaeus, 1753)[2]) ye una planta d'a orden d'os Gentianales y familia Apocynaceae que ye un matullo u arbol chicot cautivau en tot o mundo en redoladas templadas y subtropicals como planta ornamental y de paisachismo. O suyo cautivo ye tan extenso que no s'ha identificau una rechión d'orichen precisa, encara que per un regular s'asocia con a cuenca d'a Mediterrania.

O baladre creix de 2 a 6 m d'altaria. Se cautiva mas comunament en a suya forma de matullera natural, pero se puede entrenar en un arbol chicot con un solo tronco. Ye tolerant tanto a la sequera como a las inundacions, pero no a las cheladas alongadas.

O baladre contiene cuantos componius toxicos y historicament s'ha considerau una planta verenosa. Manimenos, a suya amargor lo fa desagradable pa os humans y a mayoría d'os animals, per lo que os casos d'enverenamiento son raros y lo risgo cheneral de mortalidat humana ye baixo. A ingestión de cantidaz mayors puede causar ansias, gomecatizos, exceso d'ixalivación, dolor abdominal, caguera ensangrotada y ritmo cardíaco irregular. Lo contacto alongau con a suya sapia puede causar irritación d'a piel, inflamación d'os uellos y dermatitis.

Referencias editar

  1. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.74
  2. (en) Nerium oleander en tropicos.org

Vinclos externos editar