Nacionalismo vasco

O nacionalismo vasco ye una ideyolochía politica que quier a unidat y defensa d'a entidat politica d'os territorios vascos, repartitos entre Espanya y Francia.

Ikurriña disenyata por os chirmans Arana.

Mientres más de cient anyos d'historia s'ha subdividito en diferents corrients ideyolochicas, culturals, rechionalistas, autonomistas dica independentistas y, beluns sectors minoritarios defienden a violencia.

Unos d'os más importants nacionalistas vascos estió Sabino Arana.

Simbolochía

O nacionalismo vasco tien una simbolochía propia. Cada domingo de Resurrección os nacionalistas vascos celebran o día d'a Patria Vasca, dito Aberri Eguna.

Atros simbolos d'o nacionalismo son:

• Ikurriña: Bandera creyata ta estar en prencipio a bandera de Vizcaya, a suya espardidura fació que fuese aceptada como bandera oficial d'Euskadi.

• Lauburu: Estrela solar que en l'Alto Aragón se troba tamién en l'arte popular y se denomina "quatrefuellas". O nacionalismo lo ha identificato como símbolo d'a unión d'Hegoalde. A cada provincia le correspondería una cabeza.

• L'Arrano Beltza: Literalment 'Alica Negra', estió lo siello d'o rei d'orichen navarro Sancho. Se creye que estió a primera bandera de Vasconia.

Partius nacionalistas

• Partiu Nacionalista Vasco.
• Eusko Alkartasuna.
• Batasuna.
• Aralar.
• Euskal Herrialdeetako Alderdi Komunista.
• Batzarre.
• Abertzaleen Batasuna.
• Acción Nacionalista Vasca.
• EKA.
• Movimiento Comunista d'Euskadi.
• Euskadiko Ezkerra.
• Nafarroa Bai.
• Sortu.

Se veiga tamién

• Euskadi Ta Askatasuna