Biquipedia

Mount Cook Village

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mount Cook Village (en maorí Aoraki, oficialment Aoraki / Mount Cook) ye una localidat situada en a rechión de Canterbury en a Isla d'o Sud de Nueva Zelanda. Se troba aintro d'o Parque Nacional d'o Mont Cook en l'extremo d'a carretera estatal 80, a nomás 15 km[1] a o sud d'a tuca d'o pico mas altero d'o país, o mont Cook.

Mount Cook Village
Aoraki / Mount Cook
Localidat de Nueva Zelanda

Mount Cook Village con o mont Cook a o fundo
Estau
 • Rechión
 • Districto 		 Nueva Zelanda
Canterbury
Mackenzie
Población
 • Total
250 hab. (2016)
Altaria
 • Meyana
750 m.
Coordenadas
43°44′″S 170°5′44″E
Mount Cook Village ubicada en Nueva Zelanda
Mount Cook Village
Mount Cook Village
Mount Cook Village en Nueva Zelanda

Por estar situau aintro d'un parque nacional, no ye posible adquirir una propiedat en Mount Cook Village, manimenos, debiu a la existencia de bels hotels y motels, o lugar tien una chicota población permanent d'alto u baixo 250 personas.[2] Toz os edificios y instalacions operan con concesions d'o gubierno. O lugar no tien supermercaus fueras d'una chicota botiga con productos de primera necesidat en un hotel. O supermercau mas amán se troba a 65 km de distancia en Twizel, a localidat mas amanada. Bi ha una benzinera d'autoservicio dezaga d'as instalacions hoteleras, encara que o pre d'a benzina amuestra o isolau que ye o lugar.

En Mount Cook Village bi ha una chicota escuela con menos de doce ninos, a sola escuela de Nueva Zelanda aintro d'un parque nacional.[3]

Turismo editar

Mount Cook Village aculle a alto u baixo 250.000 visitants cada anyo[2] con una gran variedat d'instalacions y aloixamientos.

Un hotel d'estilo internacional, The Hermitage[4] en referencia a o nombre de l'hotel orichinal construyiu en 1884, ye l'unico gran edificio d'o lugar y un destín popular, mas que mas ta os turistas internacionals. The Hermitage ye a sobén emplegau tamién como nombre alternativo ta a propia localidat. L'hotel ye tamién propietario y expleita bel chalet y chicoz motels como opcions ta atra mena de viachers como mochilers u familias.

Bi ha tamién atros dos motels mas en o lugar y un total de cuatre restaurants u pubs, dos d'os cuals son aintro d'o propio complexo hotelero. Os diferents edificios de l'hotel y os motels son connectaus por camins asfaltaus. D'atra man se puet trobar tamién o White Horse Hill, un camping situau a 2 km difuera d'a localidat y connectau a ista por un camín d'acceso piatonal.

Entre atras actividaz s'ofreixen vesitas guidadas por o parque, safaris en 4x4, recorrius en barca por o laco glaciar Tasman, cursas en caballo, pesca y vuelos escenicos incluyindo l'aterrizache en cheleras. Todas ellas tienen como base, salen y plegan a la dentrada prencipal de l'hotel.

Se pueden fer un gran numero d'excursions y escaladas por a zona, dende gambadas de 10 menutos dica rotas de cuantos días que permiten explorar a zona dende Mount Cook Village.

Bi ha tres rotas curtas de senderismo a traviés de zonas forestals en a propia localidaz y a suya redolada, asinas como puntos d'inicio d'atras rotas mas luengas que van dende a popular y fácil Hooker Valley Track dica atras muito mas dificils como a que leva enta os ibons de Sealy.[5]

O lugar ye seu d'o centro de vesitants d'o parque nacional,[6] y punto de salida ta escaladors, cazataires u senderistas[7] que vienen a ista zona.[8]

Historia editar

O primer edificio en o puesto a on se troba actualment Mount Cook Village estió o segundo hotel Hermitage, contruyiu en 1913 y enguerau en 1914, encara que iste se cremó totalment en 1957 y fue reemplazau en 1958 por o que sería l'actual hotel.

As decadas de 1960 y 1970 veyoron un gran creiximiento de l'hotel y o propio Mount Cook Village, incluyindo a construccions de tuberías, tractamiento d'auguas repuyals, construcción de carreras y d'accesos dende a carretera estatal 80. S'establió una brigada local de bomberos en 1976.[2]

O nombre oficial d'o lugar s'incluyó como Aoraki / Mount Cook en a lista oficial de toponimos bilingües de Nueva Zelanda gracias a os alcuerdos de 1998 con os Ngāi Tahu.[9]

Referencias editar

  1. ↑ (en) "Aoraki/Mount Cook, Canterbury - NZ Topo Map". Land Information New Zealand. http://www.topomap.co.nz/NZTopoMap/nz26116/Aoraki%2fMount-Cook/Canterbury. 
  2. ↑ 2,0 2,1 2,2 (en) "Aoraki/Mount Cook Village: Long-term Community Plan", Departamento de Conservación
  3. ↑ (en) . http://www.stuff.co.nz/national/education/83062112/mt-cook-the-tiny-school-in-the-shadow-of-the-mountain. 
  4. ↑ (en) "The Hermitage" official website
  5. ↑ (en) "Aoraki/Mount Cook village walking tracks". Department of Conservation. http://www.doc.govt.nz/parks-and-recreation/places-to-go/canterbury/places/aoraki-mount-cook-national-park/things-to-do/tracks/aoraki-mount-cook-village-walking-tracks/. Retrieved 2016-08-25. 
  6. ↑ (en) "Aoraki/Mount Cook National Park visitor centre", Department of Conservation
  7. ↑ (en) "...hunting for tahr and chamois is permitted all year round in Aoraki/Mount Cook National Park..."
  8. ↑ (en) "Huts by region: Aoraki/Mount Cook area", Department of Conservation
  9. ↑ (en) "Ngai Tahu Claims Settlement Act 1998". http://www.nzlii.org/nz/legis/hist_act/ntcsa19981998n97295. 

Vinclos externos editar

Obteniu de "https://an.wikipedia.org/w/index.php?title=Mount_Cook_Village&oldid=2072412"