Modelo atomico de Bohr

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O modelo atomico de Bohr u de Bohr-Rutherford ye un modelo cuantizau de l'atomo, proposau por Niels Bohr en 1913 ta esplicar cómo os electrons pueden tener orbitas estables alredor d'o nuclio. Ye un modelo funcional que no representa a l'atomo como obchecto fisico en sí, sino que esplanica o suyo funcionamiento por meyo d'ecuacions.

Cuan se conoixioron os espectros atomicos se veyió que o Modelo atomico de Rutherford no adubiba a esplicar a realidat, que no podeba aclarir a discontinuidat d'os espectros d'os atomos gasiosos. Niels Bohr paró cuenta que un modelo atomico conforme habría d'incluyir o cuanto d'enerchía de Planck-Einstein y lo aclarió con o suyo modelo atomico, que parte d'o Modelo de Rutherford y que conta tres postulatos:

Primer postulato: Os electrons chiran en orbitas cerculars y estacionarias (a enerchía en ellas ye constant). Mientres chire en istas orbitas ni pierde ni gana enerchía. O radio d'istas orbitas ye $r=an^{2}$ y a suya enerchía, $E={\frac {-b}{n^{2}}}$
Segundo postulato: O momento angular d'o electrón que chira en una orbita estacionaria ye igual a un multiplo entero d'una cantidat constant que Böhr estableix como ${\frac {h}{2\pi }}$

Asinas:

rmv=n{\frac {h}{2\pi }}

, en do

h

ye a Constant de Planck y "n" un numero natural que Böhr clama "numero cuantico". Ye pues, o primer modelo atomico cuantizato.

Tercer postulato: Cuan un electrón gana u pierde enerchía, lo fa en forma de radiación electromagnetica.

Cuan un electrón gana enerchía brinca ta un livel superior, an que ye inestable, por o que en emite bella cantidat d'enerchía pa tornar ta o suyo livel orichinal. A enerchía librata se puet calcular con a ecuación de Planck como $E=h\vartheta$ y ye a diferencia d'enerchía entre os dos livels ( $\Delta E=E_{2}-E_{1}$ ). Por ixo, l'electrón emite un fotón d'una determinata frequencia. Només apareixen bellas frequencias u linias espectrals porque nomás bellas orbitas son posibles. O modelo de Bohr aclareix asinas a discontinuidat d'os espectros atomicos. Respective a lo nuclio de l'atomo, o modelo de Bohr no modifica o modelo de Rutherford.

O modelo de Böhr esclareixió perfectament o comportamiento de l'atomo d'hidrocheno, pero encara no podeba esplicar o de bels atomos mas complexos.

Datos: Q172948
Multimedia: Bohr model / Q172948