Mindhunters
.svg){kind=small}
Mindhunters (títol orichinal en anglés, en aragonés Cazadors de mentes, enguerada en Aragón con o suyo títol traduciu enta lo castellano como Cazadores de mentes) ye una cinta de cine policiaco d'intriga de terror coproducida por o cine estausunidense, lo cine britanico, lo cine neerlandés y lo cine finlandés, enguerada l'anyo 2004, dirichida por Renny Harlin seguntes un guión adaptau por Wayne Kramer y Kevin Brodbin (basau en una historia de Wayne Kramer), con una banda sonora orichinal de Tuomas Kantelinen, una dirección de fotografía de Robert Gantz y una producción cinematografica de Cary Brokaw, Akiva Goldsman, Robert F. Newmyer, Jeffrey Silver y Rebecca Spikings ta las productoras Dimension Films, Intermedia Films, Outlaw Productions, Avenue Pictures y Weed Road Pictures. Fan parte de l'elenco d'a cinta, en os suyos papels principals, os actors Kathryn Morris, LL Cool J, Jonny Lee Miller, Patricia Velásquez, Clifton Collins Jr., Eion Bailey, Will Kemp, Val Kilmer, Christian Slater, Trevor White, Cassandra Bell, Jasmine Sendar, Anthonie Kamerling y Daniël Boissevain.
Un grupo d'achents d'o Federal Bureau of Investigation ye recebindo entrenamiento en perfilamiento criminal y lo suyo instructor, Jake Harris, lis presenta escenarios criminals reals, con decoraus y maniquins ta representar fidelment a escena d'o crimen y fer-los resolver o caso. Forman o grupo Bobby, Vince, Nicole, Sara, Rafe y Lucas, amás de JD, qui diriche lo grupo y secretament ye l'amant de Nicole. Vince consigue leyer d'amagau as notas d'evaluación de Harris y descubre que ni él ni Vince no aprebarán o curso. Tot o grupo marcha enta una isla en Carolina d'o Norte, a on han d'analizar un nuevo escenario ficticio y en o zaguer momento s'adhibe a lo grupo Gabe, qui ha solicitau veyer en directo los metodos d'entrenamiento de Harris. En plegar en a isla, se troban aparentment solos, pero bien luego prencipan a morir poquet a poquet os miembros d'o grupo, anunciando-se lo momento d'a muerte de cadaguno por a troballa d'un reloch que marca la hora d'a muerte. Los supervivients se veyen obligaus a prebar de resolver o caso antes de que bel reloch anuncie la suya propia muerte.
A cinta s'ambienta en a epoca actual d'a cinta (2004) en Carolina d'o Norte y las suyas escenas se filmoron en Amsterdam y Zandvoort (Holanda Septentrional), Kootwijkerbroek (Gelderland), Delft, Den Haag y Noordwijk (Holanda d'o Sud) y Utrecht (provincia d'Utrecht) en os Países Baixos.[2]
Se tracta d'una cinta que ya recibiu bellas nominacions a bels premios cinematograficos, encara que garra d'itos premios que ha recibiu no perteneix a los premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 1,2 1,3 1,4 (en) Enguero de Mindhunters en Internet Movie Database.
- ↑ (en) Localizacions de Mindhunters en Internet Movie Database.
- ↑ (en) Mindhunters en Internet Movie Database.
Datos: Q1358271
