Minchador
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O minchador (d'o verbo minchar) designa un espacio u puesto en o que as personas se reúnen pa incherir alimentos, ya siga almuerzo, chenta u cena. Puet haber un u cuantos minchadors en una casa, edificio, empresa, hotel, oficina u escuela. Pendendo d'o puesto, d'o servicio y d'os productos que ufra o minchador puet cambear de nombre: restaurant u cafetería, pero cumple a mesma finalidat. O minchador ye una ampliación d'a cocina y por un regular se troba amán d'ista, con a finalidat d'atender bien a os comensals, y de levar y trayer sin dificultat os utensilios necesarios pa a inchesta d'alimentos: platos, cubiertos, mantels, caserolas con birolla, charras, tovalletas, etc. A vegadas, pa aproveitar o espacio, a cocina y o minchador se troban en un mesmo puesto.
Igualment, seguntes o inmueble a on se trobe o minchador, iste puet estar amplo u reduciu, y contar con una u cuantas mesas y cadieras a on se posan os comensals; asinas como con un equipamiento (cocina, utensilios, muebles, ventilación, etc.,) y personal (cambrers, cociners, etc.) especializau que atienda as necesidaz alimenticias d'as personas que frecuenten o minchador.
O minchador no nomás ye un espacio, os muebles que lo conforman son de feito lo que conoixemos como minchador: una mesa, y a o menos una cadiera. Por un regular, cualsiquier espacio a on se pueda minchar sobre muebles como mesas y cadieras puet decir-se minchador. Atros muebles complementarios d'o minchador son un trinchant, ye decir, un mueble con calaixos, puertas u trestallos a on por un regular se guardan mantels, vaixillas, cubiertos, etc. Y una vitrina a on lucen a la vista obchetos decorativos como charrons u platos. A resta d'o espacio d'o minchador puet decorar-se con cuadros pictoricos, cortinas, tapices, alfombras, luces, etc.
O material con que son feitos os muebles pa un minchador ye variau y pende tamién d'o puesto: hotel, escuela, oficina, etc.: fusta, plástico, poliuretano, metal, vimbre, ratán. Istos materials permiten meter-los a l'aire libre u en un puesto zarrau. A decoración d'os muebles y a color tamién pende d'o puesto, d'o gusto y d'a finalidad d'o minchador. Pero por un regular ha de creyar un ambient acullidor y mas que mas comodo y funcional.
Tipos
editarEn una casa, o minchador ye o espacio de trobada y de reunión familiar que permite a convivencia diaria u festiva. O minchador d'una casa puet estar tan amplo u chicot como siga a vivienda, y contar con muebles luxosos que combinen con a resta d'a decoración d'a casa u modestos, sencillos, minimalistas, tradicionals, rusticos u cuasi con cualsiquier material.
En una oficina, empresa u escuela o minchador ye o puesto en que se reúnen as personas que astí treballan u estudian, y por un regular tamién sirve como un espacio en o que conviven, se distrayen y relaixan d'o treballo u quefers cutianos. Por un regular, en o minchador d'iste tipo de puestos as personas tienen acceso a un forno microondas a on pueden fer calentar birolla casera, u ye un puesto d'autoservicio pa comprar birolla feita u cualques alimentos.
Se veiga también
editarEnlaces externos
editar
Se veigan as imáchens de Commons sobre os minchadors.
Datos: Q661199- Multimedia: Dining rooms / Q661199
