Miguel de la Quadra-Salcedo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Miguel de la Quadra-Salcedo
Miguel en o 2014
Información personal
Naixencia	30 d'abril de 1932 Madrit
Muerte	20 de mayo de 2016 Madrit
Esporte	Atletismo
Títols
6 vegatas Campión d'Espanya de tirada de disco (1953, 1955, 1956, 1958, 1959 y 1960). 1 vegata Campión d'Espanya de tirada de martiello (1956). 2 vegatas Campión d'Espanya de tirada de peso (1955 y 1956).
Récord d'Espanya de lanzamiento de disco (1955-1967). Récord d'Espanya de lanzamiento de martiello (1956-1957).

Miguel de la Quadra-Salcedo y Gayarre naixito de Madrit o 30 d'abril de 1932 y muerto en o mesmo puesto o 20 de mayo de 2016) fue un periodista, reportero, promotor cultural y atleta.

Fue o creyador y director d'o programa d'estudeos y cultural Aventura 92, conoixito como Ruta Quetzal. En as pistas de cenisa d'a Universidat Complutense de Madrit, se'n fa o Memorial d'Atletismo Miguel de la Quadra-Salcedo.

Atleta

Como atleta gran parti d'a suya carrera esportiva compitió como independient sin d'equipo, en 1960 compitió con o equipo d'a sección d'atletismo d'o Real Madrid CF. Yera especializau en prebas de lanzamiento, siendo campión d'Espanya 9 vegatas: seis en tirada de disco (1953, 1955, 1956, 1958, 1959 y 1960) dos en tirada de peso (1955 y 1956) y uno en tirada de martiello (1956).

Aconsiguió superar o récord d'Espanya de disco siet vegatas y lo tenió dende o 21 de mayo de 1955, con una tirada de 45,91 m cuan superó a marca que teneba José Luis Torres en 31 centimetros, dica o 19 de marzo de 1967 cuan l'aragonés Pascual Banzo superó en mas de un metro a suya zaguera marca que teneba mas de siet anyos. Tamién tenió o récord d'Espanya de tirada de martiello, que aconsiguió superar seis vegatas dende o 17 de chunio de 1956 dica o 7 de setiembre de 1957.

En tirada de chavalina no aconsiguió garra récord ni medalla en os campionatos d'Espanya, pero en prebas oficials y de exhibición aconsiguió superar o récord d'o mundo, faciendo as tiradas con a tecnica d'a tirada d'a barra basca adaptata ta la chavalina por Félix Erausquin qui tamién aconsiguió superar o récord d'o mundo d'a suya epoca. A IAAF no homologó iste récord y modificó o reglamento por dos vegatas ta invalidar ista tecnica por estar considerata como muit peligrosa ta os espectadors y ta os chueces.

Estió selecionato ta partecipar en os Chuegos Olimpicos de Melbourne 1956 pero o boicot d'Espanya a istos Chuegos com protesta por a invasión sovietica de Hungría no podió partecipar. Cuatre anyos dimpués podió partecipar en os Chuegos Olimpicos de Roma 1960 en a preba de tirada de disco fendo una mala competición con tres tiradas nulas.

Referencias

Predecesor: José Luis Torres	Récord d'Espanya de tirada de disco 21 de mayo de 1955 - 19 de marzo de 1967	Succesor: Pascual Banzo
Predecesor: Lorenzo Martínez	Récord d'Espanya de tirada de martiello 17 de chunio de 1956 - 7 de setiembre de 1957	Succesor: José María Elorriaga