Mesaches

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mesaches
Información cheneral
Autor	Chusé Inazio Nabarro
Chenero literario	Novela
Editorial	Gara d’edizions
Ciudat	Zaragoza
País	Aragón
Calendata de publicación	2012
Formato	13 x 21cm
Pachinas	158
ISBN	ISBN 978-84-8094-203-4

Mesaches ye una novela de Chusé Inazio Nabarro, publicata en 2012 por Gara d'edizions en a suya colección Arto. A obra reconta tres anyadas, entre 1974 y 1977, d'a vida d'un zagal qui vive de conchunta con os companyers suyos en a Universidat Laboral de Cheste. En o libro, o protagonista pasa d'a nineza enta l'adolescencia en o bel meyo d'a transición politica espanyola, tenendo bien present o tema de l'amostranza.

Iste libro estió ganador d'o VII Premio de Novela Curta "Ziudá de Balbastro" (2012). Iste premio lo convoca cada dos anyos o concello d'a ciudat de Balbastro y tien una valor economica de 2.100 euros. O mesmo Chusé Inazio Nabarro ya ganó iste premio en 2006 por a suya obra Reloch de pocha que ye estada traducida enta o francés, o castellano y o ruso. As dos novelas s'han publicau por Gara d’edizions. Por iste premio han pasau tamién atros destacaus nombres d'a literatura en aragonés como Toni Collada (El biache), Fernando Romanos (Alas de papel: Gernika 1937) u Ánchel Conte (Aguardando lo zierzo).

L'autor

Chusé Inazio Nabarro ye naixiu de Taust y ye licenciau en Filolochía Hispanica. Treballa de profesor d'Ensenyanza Segundaria, faina que compatibiliza con a presidencia d'o Consello d'a Fabla Aragonesa. Antimás d’os dos premios "Ziudá de Balbastro", ye estau ganador tamién d'o Premio Arnal Cavero que convoca o Gubierno d'Aragón y d'o Premio de Relatos "Luis del Val", que convoca o concello de Sallent de Galligo, y ha publicau arrienda libros, articlos u replegas de poesía.

Vinclos externos

• (es) Ficha de Mesaches en a pachina web d'o Centro del Libro de Aragón.
• (an) Chuse Inazio Nabarro presentó o suyo nuevo libro “Mesaches”, en Arredol.
• (es) Una novela corta de largo alcance.

Referencias

• Datos: Q13049586