Merina d'os Monts Universals
A merina d'os Monts Universals ye una raza ovina autoctona d'Aragón. O nombre suyo viene d'os Monts Universals, en a comarca teruelana d'a Sierra d'Albarracín, a on se distribuye principalment ista raza. I hai en l'actualidat bellas 18.000 capezas que perteneixen a 23 ganaders d'a zona, entre os que 16 son trashumants, podendo baixar os suyos rabanyos dica Andalucía u Extremadura.[1]
Ye una raza derivada d'a uella merina, con presencia en os Monts Universals dende fa sieglos. Ye un animal de grandaria meya, con velón de color blanca y uniforme. Puet presentar cuernos, cerenyos en os masclos y poco frecuents en as fembras. Un rasgo prou caracteristico d'ista raza ye l'amplaria d'a suya lazata. Se fa servir en a producción de lana, pero tamién de carne.[2]