Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Marija Gimbutas
Marija Gimbutas
Marija Gimbutas
Información personal
Naixida o: 23 de chinero de 1921
Naixida de: Vilna (Lituania)
Muerta o: 2 de febrero de 1994
Muerta en: Los Angeles (Estaus Unius)
Ocupación: arqueologa

Marija Gimbutas, naixita de Vilna (Lituania) lo 23 de chinero de 1921, estió una arqueologa y antropologa lituanoestausunidense, reconoixida por a suya investigación sobre as culturas d'o Neolitico y a Edat de Bronce d'a «viella Europa» —termin que introdució en os estudios arqueolochicos—; y por a suya hipotesi d'os kurgans, que situaba a patria protoindoeuropea en a estepa pontica.

Biografía editar

Estudió en Kaunas, Vilna y Tubinga. En la universidat d'ista zaguera ciudat se doctoró en 1946 con a tesi clamada Entierros en Lituania en tiempos prehistoricos. A suya formación académica estió interdisciplinaria y incluyó conoixencias basicas de Lingüistica, Etnolochía y historia d'a religión, lo cual yera inusual pa un arqueologo. En 1941 se casó con l'arquitecto Jurgis Gimbutas (1918-2001), con qui tenió tres fillas. Sus estudios y cursa se veyioron constantment interrumpius por as suyas migracions, primer en 1944 enta Austria, fuyindo de l'Exercito Royo de l'Unión Sovietica, que anexó Lituania en a Republica Socialista; dimpués d'Austria a Alemanya, ya en zaguerías d'a Segunda Guerra Mundial; y en 1949 a Estaus Unius, an finalment se radicó.

Os suyos treballos, publicaus entre 1946 y 1971, introducioron nuevos puntos d'anvista sobre a combinación d'o tradicional treballo preparatorio con as interpretacions lingüisticas y mitolochicas, y desafió as creyencias existents sobre as sociedaz en a Edat de Bronce. Estió conoixida como una d'as autoridaz mas destacadas a livel internacional en l'estudio d'ixe periodo y innovadora en as tecnicas arqueolochicas d'o sieglo XX.[1]

Obras editar

  • Die Bestattung in Litauen in der vorgeschichtlichen Zeit,1946
  • Ancient symbolism in Lithuanian folk art,1958,= American Folklore Society, Memoirs of the American Folklore Society
  • Rytprusiu ir Vakaru Lietuvos Priesistorines Kulturos Apzvalga,1958,Studia Lituaica,Nueva York
  • Bronze Age cultures in Central and Eastern Europe,1965, Mouton
  • The Goddesses and Gods of Old Europe, 7000 to 3500 BC: Myths, Legends and Cult Images,1974 , Thames and Hudson
  • Grotta Scaloria: Resoconto sulle ricerche del 1980 relative agli scavi del 1979,1981 , Amministrazione comunale
  • Baltai priešistoriniais laikais: etnogenezė, materialinė kultūra ir mitologija, 1985 , Mokslas
  • The Language Of The Goddess: Unearthing The Hidden Symbols Of Western Civilization,1989, Harper & Row,ISBN 9780062503565
  • The Civilization of the Goddess: The World of Old Europe,1991, Harper
  • Die Ethnogenese der europäischen Indogermanen,1992 , Universidat d'Innsbruck
  • Das Ende Alteuropas. Der Einfall von Steppennomaden aus Südrussland und die Indogermanisierung Mitteleuropas,1994,Universidat d'Innsbruckisbn=
  • The Living Goddesses,1999,University of California Press,ISBN 9780520229150

Referencias editar

  1. (es) Carrillo de Albornoz, María Angustias: Marija Gimbutas y la memoria de Europa. Hermes Institut.