Lorenzo Alocén

Lorenzo Alocén
Información personal
Naixencia	4 de noviembre de 1937 Zaragoza (Comarca Central, Aragón)
Muerte	18 de chinero de 2022 Barcelona (Catalunya, Espanya)
Altaria	1.94 m
Peso	89 kg
Esporte	Basketbol
Profesional en	1959-1974
Títols
Maximo anotador d'a Liga Española de Baloncesto en l'anyada 1964/65.

Lorenzo Alocén Castán, naixiu de Zaragoza (Comarca Central, Aragón) o 4 de noviembre de 1937 y muerto lo 18 de chinero de 2022 en Barcelona (Catalunya, Espanya), conoixiu esportivament como Lorenzo Alocén, estió un chugador de basketbol que chugaba en a posición de pívot y que estió internacional con a selección espanyola 69 vegadas, con a que partecipó en os Chuegos Olimpicos de 1968, y en os EuroBasket de 1961 y 1969. Individualment cal destacar que estió lo maximo anotador d'a Liga Española de Baloncesto en l'anyada 1964/65.

Tot y con a suya baixa estatura pa un pívot en l'actualidat, estió un gran chugador dominant entre os pívots d'Espanya, pero ye recordau per una autocanasta realizada en un partiu con o Real Madrid que obligó a la FIBA a cambiar una norma d'o baloncesto.

Ye pai de cinco fillos que chugaron a basketbol, entre os que cal destacar a Oscar Alocén, qui chugó con o Licor 43 en l'ACB.

Trachectoria esportiva

Principió a chugar a basketbol a una edat tardana; cuan teneba 21 anyos conoixió a Antonio Burillo, chugador de basketbol d'o CN Helios y li convenció ta chugar a basketbol en a sección de basketbol d'o CN Helios. Con iste equipo puyó ta a Liga Nacional y como seguntes os estatutos d'o club no podeba tener seccions profesionals, cedió la suya plaza a lo Real Zaragoza, qui fació un equipo ta partecipar con gran parti d'os chugadors d'o CN Helios. O Real Zaragoza no aconsiguió mantenerse en a categoria y fichó por a sección de baloncesto d'o Real Madrid, a on aconsiguió ganar dos ligas y una copa y ye recordau per una autocanasta realizada en un partiu contra lo Pallacanestro Varese que obligó a la FIBA a cambiar una norma d'o basketbol. A muerte de su pai fació que tornase a Zaragoza y chugase en o CN Helios, equipo con qui tornó a chugar en a maxima categoria espanyola por a cesión d'a licencia d'o Tritones y con qui aconsiguió estar o maximo anotador d'a liga. O CN Helios un anyo dimpués renunció a continar en a liga y fichó por o Picadero Jockey Club que li permitió ña posibilidat de continar en a maxima categoria d'o basketbol espanyol. En Barcelona con o Picadero¡¡ aconsiguió una copa y un segundo puesto en a liga, pero iste equipo desapareixió y fichó por o Circulo Catolico de Badalona, a on terminó la suya carrera esportiva.

Autocanasta

En a temporada 1961-1962, Alocén chugaba en o Real Madrid, y mientres ista suya primera temporada en l'equipo madrilenyo, o 18 de chinero de 1962 Alocén estió protagonista d'una d'as chugadas mas famosas d'a historia d'o basketbol, una autocanasta suya contra lo Pallacanestro Varese.

En un tiempo muerto a petición de Pedro Ferrándiz, dió dentrada a Alocén que ya yera alicionau d'o que heba de fer; Alocén recibió la pilota y la ficó en a suya propia canasta mientres os demás chugadors d'o suyo equipo li reprochaban de forma visible pa que los arbitros no interpretasen que yera una chugada premeditada sino que yera fruto d'a tension y d'os nervios y que Alocén s'heba entivocau de canasta. Ista canasta trencaba a igualdat en o partiu, que con un empate s'iba a fer una prorroga y a lo Madrid no li intresaba perque teneba chugadors cargaus y eliminaus por faltas personals amás de Hightower con problemas fisicos, estando o resultau final d'o partiu Varese, 82; Real Madrid, 80. En o partiu de tornada, chugau en o Frontón Fiesta Alegre, se remontó la eliminatoria y lo Madrid chugó la final d'a Copa d'Europa de baloncesto.

Ista chugada obligó a la FIBA a cambiar o reglamento d'o basketbol.

Equipos

1959-1960: CN Helios
1960-1961: Real Zaragoza
1961-1963: Real Madrid
1963-1965: CN Helios
1967-1973: Picadero Jockey Club
1973-1974: Circulo Catolico de Badalona

A mas a mas estió internacional con a selección masculina de basketbol d'Espanya 69 vegatas, destacando-ne las partecipacions en os Chuegos Olimpicos de 1968, y os Eurobasquetz de 1961 y 1969.

Palmarés

2 Ligas d'Espanya: temporadas 1961/62 y 1962/63, con o Real Madrid.
2 Copas de Espanya: temporadas 1961/62, con o Real Madrid, y 1967/1968 con o Picadero.
Maximo anotador d'a Liga Española de Baloncesto en a temporada 1964-65 con o CN Helios.

Referencias

Vinclos externos

Datos: Q3836873