Linia de Kármán

A linia de Kármán ye l'altaria definida internacionalment que se gosa utilizar pa definir o limite entre l'atmosfera y l'espacio exterior. D'alcuerdo con as definicions d'a FAI (Fédération Aeronautica Internationale) ista linia se sitúa a 100 km d'altaria sobre a superficie terrestre (tecnicament 100 km sobre o libel d'a mar).[1] Manimenos, atras organizacions no utilizan ista definición. Por eixemplo, a Fuerza Aeria de Estaus Unius y a NASA definen o limite en 50 millas (80 km) sobre o libel d'a mar.[2]

A linia de Kármán prene o suyo nombre en a honor d'o scientifico hongaro Theodore von Kármán qui estió a primera persona en calcular l'altitut a la quala l'atmosfera se torna masiau delgada pa suportar un vuelo aeronautico.

Arredol d'ista altura l'atmosfera terrestre se torna tant fina que ye despreciable en termins aeronauticos, producindo-se amás, un incremento significativo d'a temperatura atmosferica y d'a interacción con a radiación solar.

O misil alemán A4 (u tamién V2) emplegau en a Segunda Guerra Mundial estió o primer obchecto feito por l'humanidat en trespasar a linia de Kármán.

ReferenciasEditar