Lega Basket Serie A
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| PosteMobile Serie A | ||
|---|---|---|
| ||
Información cheneral
| ||
| Nombre oficial: | Lega Basket Serie A | |
| Esporte: | Baloncesto | |
| País: |  Italia
| |
| Pachina web: | www.legabasket.it | |
Información cheneral
| ||
| Numero d'equipos: | 16 | |
| Federación: | FIBA Europa | |
| Descenso a: | LegADue | |
Historia
| ||
| Numero d'edicions: | 96 | |
| Primera edición: | 1920 | |
| Primer ganador: | Costanza Milano | |
| Zaguera edición: | 2017-18 | |
| Zaguer ganador | .png){kind=small} Olimpia Milano
| |
| Más victorias: | Olimpia Milano (28)
| |
A Lega Basket Serie A, conoixita por motius de patrocinio como PosteMobile Serie A, ye a mas alta d'as categorías de baloncesto d'Italia, por debaixo ye a LegADue. O suyo organizador ye a Lega Basket, por delegación d'a Federazione Italiana Pallacanestro (n'aragonés, Federación Italiana de Baloncesto).
En altros tiempos, a competición estió clamata de diferents manieras. Dica 1955 o suyo nombre estió Serie A, y entre dito anyo y 1965 conoixita como Campionato Elette. Con a reforma d'o campionato en l'anyo 1974, iste estió dividito en dos divisions con o nombre de Serie A1 y Serie A2 dica l'anyada 2001-02 cuan tornó o suya denominación historica de Serie A.
Toz os eventos ligatos con a Serie A (A Copa d'Italia y a Supercopa italiana) son emititos por as cadenas de televisión RAI, Sky y bels cadenas locals.
Historia
editarO primer campionato de baloncesto en Italia estió organizato en l'anyo 1920, seguntes as hemerotecas, por a Reale Federazione Ginnastica Nazionales Italiana (n'aragonés, Reyal Federación Chinnastica Nacional Italiana) y ganato por o equipo lombardo de Società Educazione Fisica Costanza di Milano, con o suyo lider Carlo Adreoli.
Sindembargo o primer campionato oficial organizato por a FIP prencipió en l'anyo 1922, mientres o campionato no oficial de Federginnastica continó chugando-se. Istas primeras anyadas estieron dominatas por os equipos meneguitos, con cinco titols continos d'o ASSI Milano y uno d'o Internazionale Milano. En o cabo d'os anyos 20 y o prencipio d'os anyos 30 os titols estieron t'a Ginnastica Roma y a Ginnastica Triestina dica 1935 (y a excepción d'o anyo 1929, no disputata).
O campionato de 1936 remató con a victoria d'Olimpia Milano, conoixita en iste inte como Borletti; o cual estió o primero d'os 26 scudetti (titol de liga) que tien en a actualidat. O equipo Borletti, entrenato por Giannino Valli, consiguió 4 campionatos continos dica l'anyada 1939-40 cuan a Ginnastica Triestina gana o titol, asinas como l'anyada siguent. Antis d'aturar a liga por causa d'a guerra, o Reyer Venezia ganó as suyos dos unicos titols que tien.
Una vegata terminata a guerra, a competición retornó y o Virtus Pallacanestro Bologna estió primer gran equipo, ganando a liga 4 anyadas seguitas. Sindembargo, dende l'anyada 1949-50 prencipió o dominio d'o Olimpia Milano, que consiguió 14 campionatos en as 18 anyadas disputatas dica l'anyada 66-67.
Dimpués d'a victoria d'o Pallacanestro Cantù en l'anyada 1967-68, estió o Pallacanestro Varese o nuevo equipo en ubrir un ciclo victorioso, ganando 7 campionatos en 10 anyadas (entre as anyadas 1968-69 y 1977-78) y chugando 10 finals europeas, d'as cuals ganó 5. Isto amuestra o suyo dominio reyal en o baloncesto europeu d'istos anyadas.
En os anyos 80 o dominio d'Olimpia Milano estió evident, solo trencato por o tercer titol de Pallacanestro Cantù ganado en l'anyada 1980-81; y o titol conseguito por a Virtus Roma en l'anyada 1982-83. En istos anyos a mayor sorpresa estió o Victoria Libertas Pesaro, o cual dentró entre os millors equipos d'a liga y ganó os titols d'as anyadas 1987-88 y 1988-89
Os anyos 90 prencipioron con o scudetto de Phonola Caserta en l'anyada 1990-91, unico titol de liga conseguito por un equipo d'o sud d'Italia. En l'anyada siguient altro equipo, o Pallacanestro Treviso, consiguió o suya primera liga. Dimpués, en os siguients anyos o tozuelo d'o baloncesto italiano estió disputato por Olimpia Milano y Virtus Bologna, rivalidat solo trencata por o Pallacanestro Treviso (campión en 1996-97) y por o Pallacanestro Varese, ganador en l'anyada 1998-99.
En l'anyada 1999-00 estió ganata por o Fortitudo Bologna dimpués de tres finals perditas en os anyos anteriors. A primera metat d'os anyos 2000 se caracterizó por os titols continos d'a Virtus Bologna, d'o Pallacanestro Treviso, d'o Fortitudo Bologna y d'o primer campionato de Mens Sana Basket Siena en l'anyada 2003-04.
Dende l'anyada 2006-07 s'encetó un nuevo ciclo de victorias con a conquiesta de 7 titols continos por parti d'o Mens Sana Basket Siena dica l'anyada 2012-13 y amilloró o récord d'Olimpia Milano de 5 titols continos entre os anyos 1949 y 1954. A serie estió frenata en l'anyada 2013-14 con o titol aconseguito por l'Olimpia Milano (o suyo 26eno titol).
O ganador de l'anyada 2014-15 estió o Dinamo Sassari, en a suya 5ena anyada en a Serie A, dimpués de vencer a o Pallacanestro Reggiana en a final. T'os dos equipos estió a suya primera final de liga en l'Historia.
Nombres comercials
editarEn os ultimos anyos, o campionato italiano teneba por motius de patrocinio. Iste ye a lista d'os diferents patrocinadors d'a competición:
|
|
Equipos 2018/19
editar| Equipo | Fundato | Ciudat | Pabillón | Cabida |
|---|---|---|---|---|
| Alma Pallacanestro Trieste | 2004 | Trieste | PalaTrieste | 6.943 |
| X Armani Exchange Milano | 1931 | Milán | Mediolanum Forum | 11.500 |
| Banco di Sardegna Sassari | 1960 | Sasser | Roberta Serradimigni | 5.000 |
| Dolomiti Energia Trento | 1995 | Trento | BLM Group Arena | 4.360 |
| FIAT Torino | 1974 | Torino | PalaVela | 8.244 |
| Germani Basket Brescia | 2009 | Brescia | PalaLeonessa | 5.200 |
| Grissin Bon Reggio Emilia | 1974 | Reggio Emilia | PalaBigi | 4.530 |
| New Basket Brindisi | 1992 | Brándiz | PalaPentassuglia | 3.534 |
| Openjobmetis Varese | 1945 | Varese | PalaWhirlpool | 5.299 |
| Red October Cantù | 1936 | Cantù | PalaDesio | 6.700 |
| Segafredo Virtus Bologna | 1929 | Bolonya | PalaDozza | 5.570 |
| Sidigas Avellino | 1948 | Avellino | Giacomo Del Mauro | 5.100 |
| The Flexx Pistoia | 1984 | Pistoia | PalaCarrara | 3.916 |
| Umana Reyer Venezia | 1925 | Venecia | Palasport Taliercio | 3.200 |
| Vanoli Cremona | 1999 | Cremona | Mario Radi | 4.000 |
| VL Pesaro | 1946 | Pesaro | Adriatic Arena | 10.323 |
Historial
editar
.svg){kind=small}
Palmarés
editarPor equipo
editar| Equipo | Titols | Anyadas |
|---|---|---|
| Olimpia Milano | 28 | 1936, 1937, 1938, 1939, 1950, 1951, 1952, 1953, 1954, 1957, 1958, 1959, 1960, 1962, 1963, 1965, 1966, 1967, 1972, 1982, 1985, 1986, 1987, 1989, 1996, 2014, 2016, 2018 |
| Virtus Bologna | 15 | 1946, 1947, 1948, 1949, 1955, 1956, 1976, 1979, 1980, 1984, 1993, 1994, 1995, 1998, 2001 |
| Pallacanestro Varese | 10 | 1961, 1964, 1969, 1970, 1971, 1973, 1974, 1977, 1978, 1999 |
| Mens Sana Basket | 8 | 2004, 2007, 2008, 2009, 2010, 2011, 2012, 2013 |
| Assi Milano | 6 | 1921, 1922, 1924, 1925, 1926, 1927 |
| Pallacanestro Trieste | 5 | 1930, 1932, 1934, 1940, 1941 |
| Pallacanestro Treviso | 5 | 1992, 1997, 2002, 2003, 2006 |
| Ginnastica Roma | 4 | 1928, 1931, 1933, 1935 |
| Pallacanestro Cantù | 3 | 1968, 1975, 1981 |
| Reyer Venezia Mestre | 3 | 1942, 1943, 2017 |
| Victoria Libertas Pesaro | 2 | 1988, 1990 |
| Fortitudo Bologna | 2 | 2000, 2005 |
| SEF Constanza Milano | 1 | 1920 |
| Internazionale Milano | 1 | 1923 |
| Virtus Roma | 1 | 1983 |
| Juvecaserta Basket | 1 | 1991 |
| Dinamo Basket Sassari | 1 | 2015 |
Por ciudat
editar| Titols | Ciudat | Equipo |
|---|---|---|
| 36 | Milán | Olimpia Milano (28) ASSI Milano (6) Internazionale Milano (1) SEF Costanza Milano (1) |
| 17 | Bolonya | Virtus Pallacanestro Bologna (15) Fortitudo Pallacanestro Bologna (2) |
| 10 | Varese | Pallacanestro Varese (10) |
| 8 | Siena | Mens Sana Basket Siena (8) |
| 5 | Trieste | Società Ginnastica Triestina (5) |
| Roma | Società Ginnastica Roma (4) Pallacanestro Virtus Roma (1) | |
| Treviso | Benetton Treviso (5) | |
| 3 | Cantù | Pallacanestro Cantù (3) |
| 2 | Venecia | Reyer Venezia (2) |
| Pesaro | Victoria Libertas Pesaro (2) | |
| 1 | Caserta | Juvecaserta Basket (1) |
| Sasser | Dinamo Basket Sassari (1) |
Bibliografia
editar- Almanacco ufficiale del campionato italiano di basket. Libreria dello Sport, Milán, 2006, 536 p. (ISBN 88-6127-003-4).
- VV.AA. Almanacco illustrato del basket 2010. Panini Comics, 2010, 611 p. (ISBN 88-6346-613-0).
Veyer tamién
editarVinclos externos
editar
