King Arthur: Legend of the Sword
.svg){kind=small}
King Arthur: Legend of the Sword (títol orichinal en anglés, en aragonés Rei Arturo: a leyenda d'a espada, enguerada en Aragón con o títol en castellano de Rey Arturo: la leyenda de Excalibur, en aragonés Rei Arturo: a leyenda d'Excalibur) ye una cinta de cine de fantasía epica d'aventuras d'acción coproducida por o cine estausunidense, lo cine britanico, lo cine australiano y lo cine indio enguerada l'anyo 2017, dirichida por Guy Ritchie seguntes un guión adaptau por Joby Harold, Guy Ritchie y Lionel Wigram (basau en una historia de David Dobkin y Joby Harold), con una banda sonora orichinal de Daniel Pemberton, una dirección de fotografía de John Mathieson y una producción cinematografica d'Akiva Goldsman, Joby Harold, Tory Tunnell, Steve Clark-Hall, Guy Ritchie y Lionel Wigram ta las productoras Warner Bros. Pictures, Village Roadshow Pictures, Weed Road Pictures, Safehouse Pictures, Ritchie/Wigram Productions y RatPac-Dune Entertainment. Forman l'elenco d'a cinta, en os suyos papels principals, os actors Charlie Hunnam, Àstrid Bergès-Frisbey, Djimon Hounsou, Aidan Gillen, Mikael Persbrandt, Jude Law, Eric Bana, Annabelle Wallis, Peter Ferdinando, Kingsley Ben-Adir, Neil Maskell, Geoff Bell, Freddie Fox, Lorraine Bruce, Eline Powell, Hermione Corfield, Millie Brady, Poppy Delevingne, Tom Wu, Craig McGinlay, Dick Ochampaugh, Michael McElhatton, Katie McGrath, David Beckham y Bleu Landau.
Mordred asitia Camelot con o suyo exercito, pero Uther Pendragon consigue infiltrar-se en as suyas filas y matar-lo con una espada forgada por Merlín, salvando asinas Camelot. Tanimientres, Vortigern, lo chirmano d'o rei, prepara un golpe d'estau y sacrifica a su muller a os dimonios ta convertir-se en uno. Mata a Igraine, la esposa d'o rei, y redota y mata a iste. Tanimientres, Arturo, lo fillo d'o rei, consigue fuyor y s'amaga en a ciudat de Londinium, a on vive convertiu en o líder d'una colla de delincuents y aculliu por unas prostitutas. Anyos dimpués, Vortigern ye construyindo un castiello y de rapiconte troban una espasa clavada en una piedra que no se dixa desclavar. Vortigern ordena que toz os hombres d'a ciudat preben de declavar-la y cuan li toca a Arturo, iste s'esborniga abrumau por o poder d'a espasa. Alavez, Vortigern l'engarchola y li revela lo suyo orichen y li diz que l'executará. Tanimientres, una maga dentra en a garchola y consigue liberar-lo, levando-lo con Bedivere, un antigo cheneral d'Uther Pendragon. Bedivere y Arturo marchan enta las Tierras Foscas, a on iste zaguero tiee una visión que li revela definitivament qui yera su mai y que Vortigern la heba matau, y que qui heba clavau a espada en a piedra yera su pai, qui ehba sacrificau la suya vida ta salvar-lo a él. Alavez decide acceptar liderar a luita contra Vortigern ta recuperar a cadiera reyal de su pai.
A cinta s'ambienta en bel momento indeterminau d'a Edat Meya en l'actual Reino Uniu y las suyas escenas se filmoron en Conwy y en localizacions en Gwynedd en Galas, en o canyón de Fjaðrárgljúfur en Kirkjubæjarklaustur en Islandia, en localizacions en Escocia y en Watford en Hertfordshire en Anglaterra.[2]
Se tracta d'una cinta que ha recibiu bels premios y nominacions, encara que garra d'istas nominacions no perteneixe a los premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar
Se veigan as imáchens de Commons sobre King Arthur: Legend of the Sword.- (en) Pachina web oficial de King Arthur: Legend of the Sword.
Datos: Q19569225- Multimedia: King Arthur: Legend of the Sword / Q19569225
