Killers of Kilimanjaro
.svg){kind=small}
Killers of Kilimanjaro (títol orichinal en anglés, en aragonés Asasins d'o Kilimanjaro, enguerada en Aragón con o suyo títol traduciu enta lo castellano como Los asesinos del Kilimanjaro) ye una cinta de cine d'aventuras de cine britanico de l'anyo 1959 dirichida por Richard Thorpe seguntes un guión adaptau por John Gilling (basau en una historia de Cyril Hume y Richard Maibaum basada a la vegada en o libro African Bush Adventures de J. Hunter y Daniel P. Mannix), con una banda sonora orichinal de William Alwyn, una dirección de fotografía de Ted Moore y una producción cinematografica de Ted Moore ta la productora cinematografica Warwick Films. Fan parte de l'elenco d'actors d'a cinta, entre d'atros, Robert Taylor, Anthony Newley, Anne Aubrey, Donald Pleasence, Grégoire Aslan, Allan Cuthbertson, Martin Benson, Orlando Martins, John Dimech y Martin Boddey.
En a ciudat de Mombasa, en a colonia britanica de Kenya, de finals d'o sieglo XIX una mesacha contacta con l'incheniero estausunidense que treballa ta un ferrocarril y que acaba de plegar-ie ta que l'aduye a buscar a su pai y a su novio, despareixius en l'interior d'o país cuan yeran construyindo lo ferrocarril. Robert Adamson, l'incheniero, descubre que lo xaic Ahmed, un mercader d'esclavos, quiere construyir o suyo propio ferrocarril con l'obchectivo de transportar-ie esclavos dende l'interior dica la costa y que ha estau sabotiando a lo suyo competidor. Adamson marcha enta l'interior seguindo lo ferrocarril, encara que troba constants problemas, en companyía d'a mesacha y d'o fillo d'o xaic, un mesache que acaba de plegar d'estudiar en o Reino Uniu y ye contrario a la esclavitut.
A cinta s'ambienta en l'actual Kenya a finals d'o sieglo XIX y las suyas escenas se filmoron en Nairobi en Kenya y en os Shepperton Studios en Surrey en o Reino Uniu.[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) Killers of Kilimanjaro en Colonial Film.
Datos: Q379041
