Articlo d'os 1000

O karate (空手道, karatedo) ye un arte marcial d'ataque y d'esfensa, d'orichen chaponés, que consiste en concentrar toda la fuerza d'o cuerpo en un puesto determinau. Asinas, ye un arte d'autoesfensa con un aspecto espritual como función predominant.

Gichin Funakoshi, creyador d'o karate.

O karate (d'o chaponés kara: vueito y te: mán) u karate-do (o camín d'a mán vueita) ye una disciplina que se practica con as mans vueitas y o cuerpo desarmau. Os brazos y as garras s'entrenan ta que tiengan a mesma achilidat y potencia que un arma real. Pero más que más, se tracta d'entrenar o cuerpo y o esprito ta conseguir un dominio total d'a situación y poder asinas enfrontinar-se a l'oponent con a educación y a cortesía adecuadas.

A esencia de toda tecnica emplegada en o karate se concentra en o kime. Se tracta d'un ataque explosivo que acompanya qualsiquier ataque (golpe de punyo, patada de piet u una parata). Si una tecnica no va acompanyada de kime, no se puet considerar karate autentico.