José Solana Dueso
| José Solana Dueso | |
|---|---|
| Información personal | |
| Calendata de naixencia | 1946 |
| Puesto de naixencia |  Plan
|
| Alma Máter | Universidat de Zaragoza Universidat de Barcelona |
| Ocupación | Filosofo y escritor |
| Obras | Los amantes de Chistau, El Siñor de San Chuan, S'emboira el ziel, La deleria del Cobol |
José Solana Dueso va naixer en Plan, en l'anyo 1946. Va estudiar filosofía en las universidaz de Zaragoza y Barcelona. Se va doctorar con una tesis adedicada a'l sofista griego Protagoras d'Abdera, per la cual va ganar el premio extraordinario.
Ha adedicau la suya vida a la docencia y la investigación: primer, como catedratico de filosofía en ensenyanzas medias y, dimpués, dende 1990, como profesor titular y catedratico de la Universidat de Zaragoza.
Ha publicau troballos d'investigación en castellano sobre filosofía griega: se'n puede fer mención d'es siguients libros: Teofrasto. Sobre las sensaciones (1989); Aspasia de Mileto. Testimonios y discursos (1994); Los sofistas. Testimonios y fragmentos (2013); y, Más allá de la ciudad. El pensamiento político de Sócrates (2013).
Tamién ha publicau cuatro novelas en castellano relacionadas con la cultura y la filosofía griegas: La malva y el asfódelo (2006); Ciudadano Sócrates (2008); El canto del filósofo (Edhasa, 2014) y Las chicas de la Academia (Almuzara, 2024) per la cual va ganar el IX Premio de novela "Albert Jovell".
Los amantes de Chistau (Prames, 2016), la suya primera novela sobre l'Aragón medieval, conta una falordia romantica entre un pastor de Plan y una choven musulmana de L'Aínsa. Amás d'estes libros, ye autor d'una tremenera d'articlos en revistas especializadas.
Va ganar las edicions de 2017 y 2021 d'el Premio Arnal Cavero, per las novelas El siñor de San Chuan y La deleria del cobol, respectivament, escrita en aragonés chistabín. En 2024 va ganar la novena edición d'el Premio de novela Albert Jovell. Amás, va publicar tamién la novela S'emboira el ziel. Balbastro 1064 (Gara d'Edizions, 2018).
Ye academico de numero de l'Academia Aragonesa de la Lengua, dende el 29 de chuliol de 2021 cuan el Gubierno d'Aragón va nombrar es quince primers academicos.[1] Dende mayo de 2023 ye el secretario de l'Instituto de l'Aragonés, l'organo de l'Academia encargau de la normativización de l'aragonés.
| Predecesor: No se convocó o premio |
Premio Arnal Cavero 2017 |
Succesor: Chesús Aranda Guerrero |
| Predecesor: Miguel Martínez Tomey |
Premio Arnal Cavero 2021 |
Succesor: Lucía López Marco |
Datos: Q65394811
