José María Javierre
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Joseph Habierre | |
|---|---|
| Información personal | |
| Nombre | José María Javierre Rapún |
| Calendata de naiximiento |
4 de febrero de 1888. |
| Puesto de naiximiento |
 Chaca, (Aragón).
|
| Calendata de muerte |
1952 |
| Puesto de muerte |
 Aulorón. Aquitania, (Francia).
|
| Peso | 61 kg |
| Esporte | Ciclismo |
| Información d'equipo | |
| Disciplina | Carretera |
| Equipos profesionals | |
| ?-1910 | Independient |
| Grans victorias | |
| 1908: Monein-Artix y 100 kilometros Pau-Puyoo-Pau. | |
Joseph Habierre, nombre afrancesau de José María Javierre Rapún, naixiu de Chaca, Chacetania, o 4 de febrero de 1888 y muerto en Aulorón, Aquitania, Francia en 1954, estió un ciclista aragonés pioner d'as competicions de ciclismo, que mientres a suya carrera esportiva aconsiguió cualques victorias ciclistas en Francia, y no compitió garra vegada en cursas d'Espanya.
Cal destacar que estió lo primer espanyol en competir en el Tour de Francia cuan partecipó en las edicions de 1909 y 1910. En ista zaguera edición coincidió con Vicente Blanco Echevarría, conoixiu esportivament como El Cojo, de qui se creyeba que heba estau o primer espanyol en partecipar en o Tour de Francia dica l'anyo 2004, cuando la revista ciclista Coups de pédales descubrió que Joseph Habierre yera José María Javierre, naixiu de Chaca y que viviba en Francia dende os cuatre anyos d'edat.
Biografía editar
Naixiu de Chaca, lo suyo pai muere cuan él teneba 4 anyos de edat y su mai se treslada con toz los suyos fillos a Francia y s'establioron en Lescar an lo suyo apelliu Javierre ye afranesau como Habierre. Pasó la suya choventut en ixe lugar y empecipia a treballar en una fabrica a lo mesmo tiempo que descubre lo ciclismo. Con 17 anyos él mesmo amonta la suya propia bicicleta y teneba tanta pasión per lo ciclismo que dimpués de treballar en a fabrica saliba con a suya bicicleta.
Prencipia a participar y ganar cursas rechionals, y aconsigue victorias en os velodromos de Pau y Bois Louis, d'o Véloce-Club Palois. En 1908 gana cuantas corridas de larga distancia en rota y en 1909 s'apunta a lo Tour de Francia como independient, aconsigue acabar la cursa con una meritoria 17ª posición en a cheneral y seiseno en a suya categoría. En 1910 se treslada a vivir a Aulorón y amonta una chicota botiga de bicicletas Alcyon, la millor marca d'a epoca que portaban os ganadors d'o Tour y que teneba equipo ciclista propio. En o mesmo anyo torna a partecipar en o Tour de Francia acabando en o puesto 24, a l'anyo siguient, Henri Desgrand director d'o Tour, le escribe una carta pa que torne a participar, pero él no torna a participar.
Un d'os suyos obchectivos yera aconseguir la nacionalidat francesa pero como veyeba que con o ciclismo no la aconseguiba decidió alistar-se a la Lechión Forana Francesa en o mesmo anyo. En 1914 empecipia a I Guerra Mundial y luita mientres cuatro anyos. Tornó como francés, con la nacionalidat concedida en 1915, y cargau de medallas entre las cuals yeran la Lechión d'Honor y la Cruz de Guerra. Tamién tornó con muitas secuelas fisicas, coixo, con una garra mas curta que l'atra y cuan puyaba en bicicleta pedaliaba con un solo piet y tamién con sinyals de metralla d'a batalla de Verdún.
Tenió dos fillos Cécile Habierre qui se casó con Bernard Yus campeón de Francia de boxeyo y chugador de rugby y Auguste Habierre, que fué un destacau esquiador francés y creador d'a marca de bicicletas Royal Asport.[1]